Diasabra mainta tempran e comunidad a responde na e yamado di accion di limpiesa di Baki den Bario. Un accion cu tin algun tempo caba tumando luga pa asina cumpli cu e compromiso di limpiesa di nos isla.
Prome Minister mr. Mike Eman hunto cu e departamento y e instancianan concerni tabata presente na Centro di Bario Ayo caminda e accion di Baki den Bario a tuma luga. E tabata un placer enrome di por mira e respaldo cu e accion aki ta ricibi den comunidad, ta locual Premier Eman a indica.
Gradecido na e cooperacion cu a ribici for di dirigentenan di Centro di Bario Ayo, na e vecindario completo cu e respalda e accion y a bin deposita na desperdicio. A haya oportunidad di combersa cu algun habitante cu a yega den ora tempran di mainta, y indica cu e accion aki ta un inciiativa tremendo pa Aruba.
Hopi ta pendiente di cada anuncio di localidad di Baki den Bario pa asina nan por prepara cu simannan di anticipacion, piki tur desperdicio y asina probecha di e accion aki pa deshaci di tur locual cu por durante e accion.
Premier Eman a probecha e oportunidad di gradici tambe tur ta forma parti di otro actividad manera Ban Bek Caya, cu tabata un record absoluto. E esfuerso di cada ministerio y departamento, conhuntamente cu esun di Turismo y esun di Economia, cu ta haci nan maximo pa cada evento ta uno exitoso, ta di aplaudi. Comercio a haya un bon empuhe y comunidad a responde grandemente pa e actividad di Black Friday.
Fin di siman tabata uno bastante ocupa, varios invitacion caminda acompaña cu mi esposa Doina, nos tabatin e honor di a presencia condecoracion di e Primera Damanan di Noord. Un evento cu a tuma luga na Sero Janchi, caminda a refleha e sentido di comunidad, orguyo profundo di e bario di Noord.
Señora Rosa Boekhoudt cu a dirigi e ocacion, na famia Kelly pa e recepcion y na tur e otro Damanan di diferente otro bario presente cu a haci di e anochi aki, uno hopi bunita.
Pa locual ta trata e siguiente accion di Baki den Bario, pronto lo anuncia e proximo localidad. Premier Eman a indica cu durante dianan di fiesta lo aumenta e fechanan di e accion pa asina brinda e comunidad e oportunidad pa logra deshaci di mas desperdicio prosibel, mirando cu ta den temporada di fiesta.
