E malicia di mundo, y e enganjo di diabel ta hala hende bay cune sin cu nan ripara , pesey e palabra di Dios ta bisa cu nos mester cana den e lus di Dios.
Amistad cu mundo a bira tur locual hende ta aprecia, mientras cu relacion cu Dios, cada dia ta atrasa.
Pesey e palabra di Dios ta bisa: Ma si nos cana den lus mescos cu E mes ta den lus, nos tin comunion cu otro, y e sanger di Hesus, Su Yiu , ta limpia nos di tur pica.
Ta tempo pa wak nos amistadnan, pasobra mal amistad ta hiba hende den scuridad, no ta tur cos cu ta lombra ta oro, si bo tin un amistad cu ta hala for di e caminda di Dios, sea e ta homber of muher, mihor bo hala for di dje,cu bo hala for di caminda di Dios.
Tene cuenta cu : Esun cu no carga su crus , y bin Mi tras , no por ta Mi disipel.( Lucas 14:27).
Ora bo ta cana den e luz di Dios, no ta tur caminda bo por bay , pasobra no ta tur caminda hende por cu luz, tin hopi ta haci manera nan ta den lus y caba nan ta den scuridad.
Tene cuenta cu envidia y arogancia, no ta biba den luz.
Orguyo y inmoralidad no ta biba den lus.
Jaloersie y vengansa no ta biba den luz.
Redo y calumnia, no ta biba den lus.
Falta di pordon no ta biba den lus.
Adulterio y fornicacion no ta biba den lus.
Mentira y falsedad no ta biba den lus.
Sabiduria di mundo no ta biba den lus,
Amistad cu mundo no ta biba den lus.
Sensualidad y perversidad no ta biba den lus.
Esun cu stima su ruman, ta permanece den lus,y no tin motibo den dje pa trompeca. Ma esun cu ta odia su ruman ta den scuridad y ta cana den scuridad, y e no sa unda e ta bay, pasobra e scuridad a siega su wowonan.
Esun cu ta perhudica su propio famia ta cana den scuridad,
Esun cu no ta honra su tata y su mama ta cana den scuridad,
Esun cu no tin temor di Dios ta cana den scuridad.
Esun cu ta envidia su ruman ta cana den scuridad.
No stima mundo, ni e cosnan di mundo. Si un hende ta stima mundo, e amor di Tata no ta den dje. Pasobra loke tin den mundo, e deseo di carni,i e deseo di wowo, y e orguyo di bida, no ta bin di e Tata, sino di e mundo.(1 Juan 2:15-16).
Esun cu no ta stima ta permanece den morto.( 1 Juan 3;14). Ken cu odia su ruman ta un matado, y boso sa cu ningun matado no tin bida eterno ta permanece den dje.( 1 Juan 3:15).
E ora ey Hesus a bolbe papia cu nan bisando:Ami ta e lus di mundo, esun cu sigi Mi, lo no cana den scuridad ma lo tin e lus di bida.( Juan 8:12).
Hopi biaha e hende ta bira comfortabel den scuridad, y hende ta complace cu scuridad, alehando asina for di e lus di Dios, sosteniendo man cu maldad, birando compinche di malisia, sin tene cuenta cu e lus di Dios.
Wak bon no ta e sumosacerdote nan a aserca Hudas, pero ta Hudas a aserca nan, no ta Gaza a invita Samson pero ta Samson a bay Gaza, Jonas sabiendo bon, cu e mester bay Ninive a cohe caminda pa Tarsis.
Scuridad ta enganjoso, laga nos cana den e lus di Dios.
Sinceramente, Pastor Marcel Balootje
