Diadomingo di recorido cu Chicas Gaiteras. Musica di gaita lo resona y trece alegria na e hogarnan di nos grandinan, ta lcoual cu Prome Minister Mike Eman a expresa awe mainta.
Coordinacion y preparacion a bira realidad na momneto cu a mira e trailer riba caminda. On the Road cu Chicas Gaiteras lo bishita diferente cas di cuido pa asina trece musica di Pasco pero tambe un sonrisa riba cara di nos grandinan.
Lo pasa diferente bario durante dia, cu e meta di laga e ritmo di gaita alegra tur hogar riba nos isla. For di ora di mainta e set up e salido di trailer for di Frans Figarioa na Noord cu des[ues a subi ruta rumbo Madiki.
A cuminsa e serenata y celebracion di temporada di fin di aña na cas di Famia di Casimiro Tromp na Madiki 71, cu na comienso di december a pasa den susto y destruccion desagradabel cu su cas. Un persona bou influencia a perde control y lastimamente a drenta cas e cas causando basta daño material.
A forma un team entre colega di Ministerio di Asunto General, cu a yega y pone man hunto y reconstrui e muraya di cas. Awe e mes un team, hunto cu Prome Minister di Aruba t’ey un biaha mas, pero cu sonrisa y alegria.
Acompaña cu Chicas Gaiteras, a bin brinda e mensahe di amor y hermandad den hogar di Famia Tromp, caminda a cende e luz di speransa riba kerstboom y desea hopi bendicion na famia Tromp, como tambe henter e vecindario cu e serenata di gaita, pa asina brinda e comunidad, como tambe nos grandinan e oportunidad di sinti e calor di e temporada, cu tur bon desea y bendiciona pa nan tur.
