E mutacion mas contagioso di coronavirus cu a wordo descubri recientemente den Reino Uni tambe a wordo haya na Hulanda na principio di december, segun ministerio di Salud diasabra anochi. Pa contraresta e propagacion di e variante nobo, Gobierno a emiti un prohibicion di vuelo pa tur biehero di Reino Uni siguiendo conseho di RIVM. E variante mas contagioso por a haya den un persona infecta na Hulanda na principio di december, segun Gobierno. E muestra tuma por a analisa mas a fondo. GGD ta investiga kendenan mas ta envolvi, con nan a infecta y si nan conoce mas caso relaciona. RIVM kier preveni e propagacion di e variante aki na Hulanda mas tanto posibel y por lo tanto, a recomenda cu e cantidad di movimento di biahe desde Reino Uni ta limita y monitorea. Por lo tanto, Gobierno a dicidi pa no permiti mas trafico aereo desde Reino Uni entrante diadomingo mainta. E prohibicion di vuelo cu pasaheronan di Reino Uni a drenta na vigor pa 6’or di mainta y lo ta vigente te cu dia 1 di januari mas tarda. Ta splica un excepcion na personal medico si e yegada ta interes di salud publico na Hulanda. E prohibicion di vuelo tampoco ta aplica na transporte di carga. Incertidumbre riba vuelonan di KLM E biaheronan cu un ticket pa vuelo desde of pa Reino Uni den e periodo te cu dia 1 di januari, segun e aeropuerto di Schiphol, ta miho pa pone den contacto cu e aerolinea. Ainda no ta cla kico ta nifica exactamente e prohibicion di vuelo desde Reino Uni pa e pasaheronan di KLM, e aerolinea a informa riba Twitter. E aerolinea ta recomenda e biaheronan pa nan ta atento na e estado di vuelo atrabes di nan website. Mas pais cu e variante
No solamente a haya e variante aki na Inglatera, cu un contagio na Hulanda, pero a haya tambe na Gibraltar y tambe na Zuid Africa. Y ta varios pais rond mundo, entre otro na Ecuador, Argentina, Chile, y demas pais Latino Americano y Europeo a bin cu prohibicion pa bula bay Inglatera y/of Reino Uni y Australia pa
e motibo aki mes. Merca so, no a impone un prohibicion den esaki, pero si ta pidi pa tene cautela y haci e
testnan necesario dentro di protocol di proteccion. “Variante nobo posiblemente 70 porciento mas contagioso” E descubrimento di e variante nobo na Hulanda a anuncia riba e anochi di diasabra pa
diadomingo. A base di un analisis inicial, un grupo di asesor special a descubri cu e variante aki por
propaga mas rapidamente. Awo na Inglatera, pa e area di Londen pa loke ta celebracion di Pasco, personanan cu ta biba bao di un solo dak so por celebra e festividad, mientras cu pa e resto di Inglatera, e
residentenan cu un maximo di tres cas por reuni.
