E banda alternativo di Aruba, activemirror, a saca un grabacion nobo di “Scochi Bo Mama,” e clasico folklorico stima skirbi pa Vicente Kelly. E cancion a ser graba y lansa cu bendicion di famia Kelly y su viuda, Elvia Kelly, y awo e ta disponibel rond mundo riba tur plataforma di streaming.
Originalmente skirbi y interpreta pa Vicente Kelly, “Scochi Bo Mama” ta contrasta e inocencia sin preocupacion di infancia cu e trabou, belasting y preocupacion di bida adulto, mientras e ta anhela e consuelo di cuido di un mama. E version di activemirror ta mantene e curason di e cancion mientras e ta dun’e un toke di punk.
Cantante principal Liam Sean Kelly a bisa:
“Mi ta kere semper mi kier a haci e cancion aki. Nos guitarista, Me’Shaq Richardson, y ami a graba un version di dje na 2023 — nos no tabata sigur kico nos lo a haci cune. Nos a aserc’e manera un cos estilo ‘Sex Pistols ta cover My Way di Frank Sinatra’.
“E tempo ey, nos a cuestiona si e tabata tin sentido pa nos cover un cancion folklorico, particularmente mientras nos tabata navegando nos relacion cu e escena musical local ainda. Tambe e ta un manera pa mustra con musica por ser interpreta den diferente forma — cu cancionnan por biba bida nobo sin perde di unda nan ta bin.”
E single a wordo graba, gemix y gemaster door di Kevin N. da Silva, kende tambe a produci e lansamento hunto cu Kelly. E track a wordo graba na Alfie’s na Aruba, e cas creativo di largo tempo di e banda.
E lansamento ta compaña pa un video musical dirigi y produci pa Jason Yarzagaray di NPC Productions.
Usa cu permiso. “Scochi Bo Mama” skirbi pa Vicente Kelly. Tur derecho reserva pa e tenedornan di copyright original.
TOCANTE ACTIVEMIRROR
activemirror ta un banda di Aruba di genero alternativo y post-punk kende su musica ta explora memoria, identidad y lugar via composicion atmosferico y actuacion en bibo inmersivo. E banda ta representa Aruba riba escenario internacional mientras nan ta contribui na e comunidad creciente di musica original di e isla.
