Awendia tin hopi terapia di hende, hopi forma cu hende ta bisa cu nan haci pa otro wordo libra di trauma, di ansha, di problema, di rabia, di miedo, y hopi cos mas hasta tin cierto ehercicio cu hende ta bisa cu bo mester haci si bo kier wordo libra di cierto situacion den bida, y cada un di nan tin su costo.
Pero ta para scirbi den Juan 8:36 : Pesey si e Yiu haci boso liber , di berdad boso ta liber.
Tur hende por comete un fout, tur hende mester haci oracion pa nan no cay den tentacion ( Mateo 26:41), pero si algo por bay robes, laga nos no keda pega den tempo, keda comete mesun fout, y laga e enemigo domina nos mente y stroba nos di alcansa e meta ( Filipensenan 3:12-14).
Con nos por yega na Pordon y Libertad?
1 Juan 1:9 ta para scirbi: Si nos confesa nos picanan, E ta fiel,y husto pa pordona,nos nos picanan, y pa limpia nos di tur inhusticia.
Na prome lugar confesion ta trece libertad di consenshi y pas den curason, pasobra e enemigo no tin caminda di gara, e culpabilidad a cay, arepentimento a drenta y e pordon di Dios a yega.E diabel no tin acusacion contra un hende cu a confesa.
Nos mester ricibi e pordon di Dios.
Pordon ta bini di Dios, si un hende pordona bo di henter su curason esey ta bini di Dios, tur otro tipo di pordon caminda hende ta papia cu nan boca, pero den nan curason nan ta keda wanta cosnan atras ta emocional, y malicia, pasobra e enemigo ta usa e cosnan ey pa amarga bida di hende.
Romanonan 3:23: pasobra tur a peca y ta falta e gloria di Dios.
Cristo Hesus ta nos redentor esun cu a paga e prijs pa nos picanan, pasobra pa medio di dj’E nos tin pordon di pica, pesey nos mester acepta y ricibi pordon di Dios.
Una bes bo ta den Cristo , criatura nobo bo ta , tur cos bieu a pasa , y ata tur a bira nobo.( Corintionan 5:17).
Pesey awor no tin condenacion pa esnan cu ta den Cristo Hesus. ( Romanonan 8:1-2).
Ta pa libertad Cristo a haci nos liber,pesey keda para firme, y no sea someti na un yugo di sclavitud.(Galationan 5:1).
Tirando tur boso preocupacion riba dj’E , pasobra E ta percura pa boso.
E libertad berdadero pa bida di hende ta sinta den nan obediencia y Fe den Cristo Hesus nos Senjor.
E no ta sinta den ningun terapia humano, pasobra den terapia humano caminda Dios no tin participacion, e enemigo ta drenta, y ta stroba e libertad berdadero tuma lugar.
Pesey nos tin cu kere firmemente den Dios, despues di a confesa nos pica cu nos ta liber, y para firme den su Palabra y no bolbe bek na sclavitud di pica.
Ta solamente den Cristo Hesus nos por experiencia salida for di pica, pasobra ningun tipo di meditacion of terapia humano , no por ofrece pordon di pica y libertad di consenshi, pasobra ki bale la pena bo paga placa pa bo wordo hypnotisa y enganja, y den Cristo bo por ricibi tur esey gratis, y cu garantia di bida eterna hunto cune.
Ta para scirbi den Salmo 103:3; Kende ta pordona tur bo inikidadnan, Kende ta cura tur bo malesanan.Kende ta redimi bo bida for di destruccion, Kende ta corona bo cu misericordia y compacion.
Ta solamente den Cristo Hesus tin pordon,libertad, misericordia, compasion, pas y tur trankilidad.
Sinceramente , Pastor Marcel Balootje
