For di principio di mundo, Dios a ordena trabao pa hende ( Genesis 3:17).
For di Proverbionan 6:6-9 nos por compronde cu flohera ta un pica, y na versiculo 10 ta para scirbi:
Laga mi sigi drumi poco mas,cabisha poco mas, laga mi drumi poco mas cu man crusa. Asina bo pobresa lo bin manera un bagamundo, y bo necesidad manera un homber arma.
Dicon flohera ta pica?
Pasobra e ta stroba e proposito di Dios den bida di hende.
E ta demostra falta di amor pa Senjor y pa bo prohimo.( Santiago 2:15-17).
E ta bay contra karakter y principio di Dios.
Tin hende cu no por traha pa motibo mental of fisico, y esey ta comprendibel.pero ora un hende ta nenga di traha,drumi henter dia, usa excuus pa no traha, danja su apariencia cu e no ta wordo acepta na trabao, hiba un bida cu no ta wordo acepta nan trabao, por ehempel semper laat, hole malo, onbeschoft, boca sushi, burachi, droga,iresponsabel, e persona ey mes su comportacion ta haci cu ningun caminda e por traha.
Pero awendia tin un otro cos cu ta pone hende perde trabao, y hopi no kier reconoce, y e ta visto pa tur hende: Con por ta un hende tin un salario di mas cu 2000 florin pa luna, y e ta henter ora e ta riba su telefon bao di ora di trabao, con porta cu un Security di un empresa por ta mas riba su telefon, cu e ta vigila e lugar, comporta cu bo por ta riba bo telefon como chofer y ta dal truck di compania, comporta bo ta traha den cas pa hende grandi y bo tin mas tempo pa bo telefon cu pa bo trabao. Y a bin sali na cla cu hopi a perde nan trabao pa motibo di wega, whatsup y hasta pornografia via di e telefon.
Den Mateo 25:14-30 Hesus ta mustra bon cla cu flohera no ta aceptabel, y cu flohera ta pone hende perde tur cos y esun cu tin lo hanja mas y esun cu no tin pa motibo di flohera lo perde mas.
Pasobra ora un hende ta floho hasta e oportunidadnan cu ta bini den su direccion e ta perde, asina fuerte flohera por traha riba hende.
Un hende floho no por tin un famia, pesey ta consehabel na tur mucha muhe, wak bon si e guy cu bo ta cune ta un homber , cu stima Dios,cu gusta traha, y homber cu iniciativa y un homber cu proposito, pa despues bo no hanja bo tin cu traha pa cria homber enbes di e homber cria bo.
Awendia pa motibo cu hende muher tambe ta traha, hopi hende homber ta cay den slow mode di flohera, pero e deber di un homber tey keto bay pa mantene nan su y su famia.
Door di flohedad span ta sak, y door di negligencia cas ta lek.(Eclesiastes 10:18).
Esun cu ta traha cu man negligente ta bira pober, ma man di e balente ta haci rico.( Proverbionan 10:4).
Flohedad ta pone hende cay den sonjo profundo, y un hende cu sinta pornada lo sufri hamber. ( Proverbionan 19:15).
Deseo di floho ta mate,pasobra su mannan ta ninga di traha. (Proverbionan 21:25).
Un floho ta hica su man den tayo,ma ta muchu cansancio, pa e hibe bek na su boca.(Proverbionan26:15).
Tene cuenta cuanto conseho palabra di Dios ta duna tocante flohera, un hende floho ta un hende cu no ta interesa ni pa produci pa su mes, te pa e por yuda otro hende.
Flohera no ta bon pa ningun hende.
Sinceramente, Pastor Marcel Balootje
