Dia 1 di januari 2026, Stichting Katholiek Onderwijs Aruba (SKOA) a celebra 55 aña di existencia. Durante mas cu cinco decada, SKOA a hunga un rol esencial den e sistema di enseñansa di Aruba, contribuyendo activamente na formacion academico y personal di miles di mucha. Cu e enfoke integral riba e crecemento academico, spiritual y personal di cada alumno, SKOA a empodera generacionnan di mucha y combertinan den ciudadanonan responsabel cu un futuro mas fuerte y prometedor pa nan mes y pa nos dushi Aruba.
Pa conmemora e momento special aki, SKOA a invita tur personal, alumno y mayornan pa asisti na un santo sacrificio di misa di bendicion, cu a tuma lugar dia 24 di januari 2026. E santo sacrificio di misa di bendicion a wordo celebra na casi na tur Parokia rond Aruba, como un momento di gratitud, reflexion y union comunitario.
SKOA ta gradici tur miembro di su comunidad cu a participa den e momento special aki y hunto a celebra 55 aña di servicio, compromiso y contribucion continuo na educacion y crecemento di nos muchanan pa un mihor futuro.
