Un hende cu un curason rebelde ta mas peligroso cu un hende cu ta cana arma, pasobra e ta rechasa coreccion cual ta pa su mes bon y ta insisti den sigi haci maldad.
Palabra di Dios ta bisa bon cla den Romanonan 2:5; Ma pa motibo di bo capricho y bo curason cu no kier repenti,bo a montona furia pa bo mes, den e dia di furia y revelacion di e huicio husto di Dios. Kende lo paga cada hende segun su obranan.
Tin hopi hende ta cana rond y bisa cu nan ta hende di karakter fuerte, pero tin hopi rebeldia contra boluntad di Dios scondi den esey.
Tur hende mester tin limite den nan bida, caminda nan cu no por crusa, pasobra si bo no pone limite den bo bida, bo no tin control, bo no tin temor di Dios , tampoco bo tin dominio propio.
Un homber of un muher casa mester sa cu e tin di limita su mes na su pareha, kiermen e no por tin otro hende hunto cu su pareha.
Hende mester tin orden den nan bida, pasobra nos Dios ta un Dios di orden, pasobra no por tin santidad si no tin orden.
Un hende cu curason rebelde, ta haci cosnan contra su mes, y ta pensa cu e cos cu e haci ta duel otro, of otro hende lo pasa berguensa pa su motibo.
Un hoben cu curason rebelde, ta duna su mayor hopi dolor di cabes, pasobra e no kier tende, y ta pensa cu tur cos mester bay segun e kier, y ta pensa cu ta su mayornan ta e problema y no e.
Boluntariamente nan ta resisti coreccion y ta persiti den maldad.boluntariamente ta keda riba caya y no tin nada di haci, boluntariamente ta drumi henter dia y no ta busca un trabao pa traha, boluntariamente ta rechasa e palabra di Dios, y no ta busca un manera pa cambia bida.
Cuanto hoben no ta den rebeldia, sea nan a bira rebelde, pa motibo di cosnan cu ta pasa na cas, pa abusonan cu nan ta mira constantemente, of pa motibo di mal amigo cu a corumpi e bon educacion cu nan a ricibi na cas.
Hobennan mester tene cuenta, cu aunke bo mama, of bo tata ta Cristian y abo ta permanece den bo rebeldia, pensando cu abo si no ta entrega bo bida na Cristo ta abo mes ta esun cu ta bay resulta perdi.
E ta un hasido di beheit y ta rebelde, su pianan no ta para na su cas.( Proverbionan 7:11).
Un hende rebelde ta busca solamente rmaldad,pesey un mensahero cruel lo wordo manda contra dje.( Proverbionan 17:11).
Ay di e yuinan rebelde,Senjor ta declara, kendenan ta ehecuta un plan cu no ta di Mi , y cu ta sera un aliansa cu no ta di Mi Spirito,
Rebeldia no ta nada bon, rebeldia no ta trece sabiduria, rebeldia ta aleha hende for di Dios,rebeldia ta haci hende bobo, hende rebelde ta enemigo di Dios..
Pa motibo di rebeldia, hopi hende hoben ta cana den scuridad, pa motibo di rebeldia hopi no por biaba na pas, pa motibo di rebeldia hende ta cay den adulterio, pasobra e enemigo ta busca hende rebelde cu ta kere cu nan ta fuerte, pero nan ta zwak y ta facil pa cay den pica.
E rebeldia y orguyo di Lucifer a pone cu Dios a sake for di cielo, e a wordo tira pafo ( Isaias 14:12-13).
Pa motibo di rebeldia, Dios a rechasa Saul como rey. ( 1 Samuel 15).
Cuidao cu rebeldia.
Sinceramente,Pastor Marcel Balootje
