Parlamentario di AVP, Sra. Jennifer Arends-Reyes, ta expresa su sincero felicitacion na The St. Regis Aruba cu ocasion di nan prome aniversario desde apertura. Den su prome aña di operacion, e resort a logra establece su mes como un pilar importante dentro di e sector turistico di Aruba, destacando pa su calidad, excelencia y servicio di nivel internacional.
Segun Arends-Reyes, e yegada di The St. Regis Aruba a representa, no solamente un aporte significativo na e imagen turistico di nos isla, pero tambe un impulso economico importante, creando empleo y oportunidadnan di desaroyo profesional pa numeroso Arubiano.
E parlamentario di AVP y alabes presidente di comision di Turismo a elogia tambe e enfoke di e resort riba colaboracion local y su contribucion continuo na crecemento di e sector di hospitalidad di high value.
Segun e parlamentario, e modelo di excelencia cu St. Regis Aruba ta representa, ta alinea cu e vision pa un Aruba cu progreso, inclusividad y cu ta acepta y promove vacacion familiar.
Finalmente, Arends-Reyes a expresa su deseo pa hopi mas añanan di exito y crecemento sostenibel y inclusivo pa nos isla
