Desde 2 di januari 2026 a instala e directiva nobo cu lo dirigi Centro di Bario Noord (CBN) pa e siguiente temporada. E boluntarionan cu ta forma e directiva di CBN ta: Kathleen Paskel (presidente), Lisa Giel (secretaris), Shamira Koolman (tesorero), Marlin Ignacio (comisario), Lisandra Frans (comisario), Aveline Figaroa (comisario), Chrislaine Tromp (comisario) y Shailiny Lee (comisario).
CBN su miembronan di directiva tur ta sumamente motiva y inspira pa sigui traha na bienestar di pueblo di Noord y ta comprometi pa logra tur e metanan proponi den bon coperacion cu tur su partnersnan.
CBN ta gradici tur tur persona cu den e ultimo 55 aña a contribui sea den su directiva, of den su comisionnan, of ta usuario regular y tambe tur nos boluntarionan. En especial ta gradici miembronan saliente di directiva: Sra Anna Maria Giel (ex secretaris) y tambe Sra Shailiny Lee (ex presidente), pa nan aporte y nan dedicacion durante mas di un decada.
Pa informacion di calendario 2026 di eventonan y e programa disponibel na CBN, por subi Facebook: Centro di Bario Noord y follow nos. Tambe por add nos riba Whatsapp pa keda informa. https://chat.whatsapp.com/JwjQAhMAQaAEmCNU1iuGFo
CBN ta extende un invitacion cordial na pueblo di Noord y full Aruba pa pasa y bishita CBN su booth na e Common Good Expo.
Tocante CBN
A funda Centro di Bario Noord (CBN) dia 25 di mei 1970. E promer presidente di e directiva tabata Sr Feliz Flanegin, sigui pa Sr Ovito Tromp y despues pa Sra Shailiny Lee y actualmente ta Sra Kathleen Paskel. Durante mas di cinco decada CBN ta fungi como luga di encuentro, union y intercambio, unda mucha, hoben, adulto y e adulto mayor ta topa of ta sigui un of mas programa dirigi riba nan desaroyo of ta participa na actividadnan y e encuentronan cultural, social, educacional, recreativo y deportivo.
