Diamars atardi rond di 3’or y mey polis a wordo manda Pos Abou, unda cu tin un pashent di Respaldo aparentemente agresivo. Den varios caso polis ta ser pidi pa duna un man.
E diamars aki, e situacion a termina malo, unda cu polis segun bisiña nan a los tres of mas tiro riba e homber.
Informacion nan, no oficial a indica cu e pashent lo tawata tin un cuchiu den su man y aparentemente e lo kier a use contra e agente/nan.
Mesora despues di esaki a pidi ambulance cu maximo urgencia, tene cuente cu tin post di ambulance eynan cerca den Schotlandstraat. Na yegada Paramediconan rapidamente a transporta e homber cu tawata halando rosea ainda pa Hospitaal.
Na e sitio esnan cu mester a wordo notifica a wordo notifica, entre nan por a mira un hefe di districto di Oranjestad.
Tambe na e sitio por a mira un trahado/represented di Respaldo, no ta conoci si e mes lo a solicita asistencia di polis pa yuda.
Departamento tecnico tambe a yega pa cuminsa colecta datos.
