Seráfina, e boutique di luho na Bucuti & Tara Beach Resort—un resort exclusivamente pa adulto cu hopi premiacion—ta sigui briya como un destinacion sobresaliente pa compras na Aruba. Recientemente, e tienda a habri su porta pa un trunk show exclusivo di ALIITA fine jewelry, recibiendo huespednan di resort y residente local den un evento cu a combina diseño internacional, historia personal, y un estilo isleño naturalmente elegante.
E evento intimo a presenta un coleccion amplio di ALIITA, e marca internacionalmente reconoci di joyeria fini, conoci pa su estilo simpel pero sofistica, simbolisando creatividad y artesania cu significante profundo. Pa agrega mas atraccion, fundadora y diseñadora di ALIITA, Cynthia Vilchez Castiglioni, a atende personalmente asina dunando e bishitante oportunidad exclusivo pa conecta directamente cu e creatividad tras di cada prenda.
Joyeria fini cu un sentido profundo y un laso special cu Aruba
ALIITA ta un marca di joya fini traha na man na Italia, admira internacionalmente pa su diseño minimalista, piedranan natural vibrante, y un estilo cu ta uni alegria y sofisticacion. Su nomber, cu ta nifica “obheto importante” den idioma Wayuu, ta refleha e filosofia esencial di e marca: joyeria ta hopi mas cu un adorno. E ta un expresion personal cu ta keda como un recuerdo significativo.
E coneccion di ALIITA cu Aruba ta duna esey un sentido mas profundo, pues su fundadora y diseñadora tin raíz Arubano via su mama. Seráfina na Bucuti & Tara Beach Resort a sirbi como escenario ideal pa un encuentro cu gran sentido personal, caminda e coleccion por a ser presenta den un forma intimo y conecta cu e destinacion mes.
For di su presencia den tiendanan internacional te na e ambiente intimo di Eagle Beach, ALIITA na Aruba ta ofrece un oportunidad singular pa explora creacionnan clasico cu ta refleha e espirito di nos isla. Na Seráfina, cada diseño ta sirbi como un recuerdo refina di Aruba, amor y momentonan cu ta keda graba mucho mas despues cu e biahe termina.
Serafina Boutique na Bucuti & Tara Beach Resort
Ubica den e ambiente relaha di Bucuti & Tara, Seráfina ta ofrece un seleccion cuidaosamente eligi di moda di luho, accesorionan, y joyeria fini, procedente di diseñadoran local y internacional cu ta di gran demanda.
E boutique ta resalta e identidad di Aruba mediante colaboracion exclusivo cu artistanan local, entre nan un sjaal unicamente diseñá pa e artista Arubano Ryon Dijkhoff, cu tambe ta wordo bisti pa algun di e Bucuti Associates. Inspira pa e paisahenan natural di Aruba y e trankilidad representativo di Bucuti & Tara, e pieza ta simbolisa e entrega di Seráfina pa ofrece recuerdonan cu sentido profundo y un conexion autentico cu nos isla.
Mescos cu e resort, Seráfina ta un espacio exclusivamente pa adulto y ta habri pa tanto huespednan como residente local. E boutique ta refleha e compromiso di Bucuti & Tara cu elegancia refina, originalidad y experiencianan adapta pa cada persona.
Pa mas informacion, bishita Bucuti.com.
