Recientemente por a tuma nota cu Parlamentario di AVP, Sr. John Hart a emiti un comunicado di prensa, unda e ta papia di refineria.
Mas bien su comunicado ta un atake riba Partido MEP, unda John den un forma swak y bergonsoso pe mes, kier ataca MEP riba refineria.
Segun e Parlamentario sokete, cu MEP den 7 aña no a haci nada y a bay over na termina e contract cu Citgo Aruba.
Ora cu lesa su ponencia, hende ta haya tristesa con e hubentud nobo di Aruba, por permiti nan mes cay den wega di politiek, y unda sin ningun clase di berguenza ta trece estupides dilanti.
Na aña 2019, Citgo Aruba a informa Gobierno cu e no por cumpli mas cu e contract, pa motibo di SANCCION DI MERCA. E sanccion a trece un prohibicion cu a stroba nan pa haya placa y peor ainda pa deal cu Venezuela.
Pues pa John Hart, permiti su mes wordo usa dor di e trabuconan den AVP, pe manda comunicado basa riba mentira, ta bisa hopi di dje, con swak e ta, cu e mes no por haci un investigacion drechi, ni saca conclucion, pero mester bira un lora berde cu ta ripiti y ripiti. John Hart ta nada otro cu un sokete y swak.
