Ministerio di Innovacion, bou liderazgo di minister Gerlien Croes, y cu aporte di TWO a organisa y forma parti di un Pressure Cooker guia door di Stichting ICTU (de ICT uitvoeringsorganisatie Nederland). E Pressure Cooker tabata un siman largo di trabou intensivo cu participacion di diferente experto di ICT for di institucionnan gubernamental. E proposito principal di e Pressure Cooker aki tabata pa evalua e situacion actual di ICT den sector publico y defini e proximo pasonan pa un enfoke mas coordina, eficiente y formula e rekisitonan esencial pa logra esaki.
Durante e Pressure Cooker a keda comproba cu Aruba no tin un structura defini den ICT pa gobierno, mientras cu compra di servicionan y medionan di ICT ta sosode separa pa cada departamento. Ademas, conocemento y capacidad di ICT ta reparti bou di diferente instancia, cu ta limita eficiencia, colaboracion y uzo optimal di recurso.
Como resultado, e grupo a conclui cu e creacion di un SSO pa ICT ta un paso esencial pa fortalece e base digital di gobierno. Un SSO ICT lo concentra conocemento, capacidad y infrastructura comun, permitiendo cu varios departamento por uza e mesun servicionan basico aki, manera licencia, siguridad digital, data management y sosten tecnico general.
Pa yega na implementacion, Ministerio di Innovacion a formula e rekisitonan essencial y ta propone pa enfoka riba un programa cu enfasis riba formacion, cooperacion interdepartamental, financiamento structural, personal y compra centralisa. E resultado di e Pressure Cooker inicio pa e siguiente fase di desaroyo.
Cu esaki, Aruba ta pone un paso importante den rumbo di un gobierno mas digital, eficiente y prepara pa futuro.
