E minister Gerlien Croes a informa cu Misha Raymond, ex parlamentaria, a wordo nombra como hefe di coordinador di Hubentud. E anuncio a hala hopi atencion den comunidad, especialmente pasobra e nombramento a wordo haci sin un open solicitatie.
Criticanan ta indica cu e decision aki ta contradici promesanan anterior di transparencia cu e ministro a haci. Segun nan, e proseso no a sigui un trayecto habri ni competitivo, loke a pone preguntanan serio riba manera cu e seleccion a wordo haci.
Ademas, tin vos cu ta bisa cu e escogencia di Misha Raymond no ta un casualidad. Segun e criticanan, e nombramento por wordo mira como un payback, alegando cu durante un periodo anterior, Raymond a colabora cu e oposicion pa debilita y baha e gobierno di MEP. E interpretacion aki a alimenta mas duda y discusion den opinion publico.
For di otro banda, no tin ainda un reaccion oficial riba e motibonan especifico pa pasa riba un proceso di open solicitatie. Diferente grupo social y comunitario ta pidi mas aclaracion y transparencia, subrayando cu confianza di pueblo ta depende di proseso cla y honesto.
E caso ta sigui generando debate, mientras comunidad ta spera pa mas informacion y posibel splicacion oficial riba e nombramento y e criterio usa pa e decision.
