Ateliers ’89 Punto di Beyas Arte Aruba, den cooperacion cu e taller Artemosa di Santa Cruz, ta invita henter comunidad pa un workshop nobo y fascinante di mosaico usando e tecnica di Picassiette.
E workshop aki lo wordo dirigi pa e artista y directora di Artemosa, señora Enrita Werleman. Esaki ta un oportunidad unico pa siña con pa transforma materialnan recicla den obranan di arte bunita.
Detayonan di e Workshop:
- Fecha: Dialuna 2 di Maart te cu Diahuebs 26 di Maart.
- Horario: Dialuna, Diamars y Diahuebs di 6:30 pm pa 9:30 pm.
- Luga: Ateliers ’89.
- Inversion: Tur material ta inclui den e prijs.
Kico ta e tecnica Picassiette?
E arte aki ta consisti di traha cu material recicla manera tayo, copi y scoter kibra. E tecnica a nace na Francia cu Raymond Isidore, kende a decora henter su cas cu e pida pidanan aki. Señora Enrita, kende ta un maestra gradua den arte di mosaico cu experencia internacional, lo guia bo den e proceso creativo aki.
Informacion Importante pa Participante:
- Cupo limita: Solamente tin luga pa 10 persona. Inscribi mas pronto posibel pa sigura bo mesun luga.
- Material personal: Nos ta anima tur participante pa trece nan mesun material colorido (tayo, copi o scoter cu diseño straño o colornan fuerte).
- Exposicion final: E workshop lo termina cu un presentacion di tur e obranan den e salanan mayor di Ateliers ’89 pa un luna largo.
- Donacion: Si bo tin ceramica cu bo no ta uza mas, bo por haci un donacion na Ateliers ’89 yamando e numernan mas abou.
Con pa Inscribi:
Pa reserva bo luga, bo mester tuma contacto via:
- Celular: 565-4613
- Email: elvis@ateliers89.org
Unabes bo haci bo pago, bo participacion ta confirma. Despues lo bo ricibi un email cu tur e requisitonan pa bo por cuminsa traha riba bo obra for di e prome dia.
E workshop aki ta wordo realisa danki na e apoyo di Cultuur Fonds Caribe. No perde e chance di traha hunto cu Enrita Werleman y duna bida nobo na bo tayo kibranan!
