Biblioteca Nacional Aruba a ricibi dos buki pa e Coleccion Nacional di Aruba for di poeta sr. Samuel Dumfries. ‘Melange’ a keda publica na 2013 y ‘Unchained: the untamed stories of my soul’ a keda publica na 2025. Esakinan ta coleccion di poema y prosa.Tanto ‘Unchained’ como ‘Melange’ a keda ilustra pa artista visual sr. Nigel Matthew. E poema ‘A hummingbirds embrace’ den coleccion ‘Melange’ a keda ilustra pa artista visual sr. Giovanni de Windt.
Den su poemanan e poeta ta expresa dolor, confrontacion, sanacion y fe. Samuel Dumfries ta kere den un mundo na caminda pa libertad total, un mundo di conexion, respet y cuido pa tur y amor pa bo prohimo. Tur dos obra ta obtenibel via aquazz.comSamuel Dumfries a nace na Aruba y a traha hopi aña den enseñansa na Aruba. Na 2022 sr. Dumfries a cumpli 30 aña den servicio di Gobierno di Aruba. Despues cu sr. Dumfries a gradua na Universidad di Amsterdam como Biologo Ambiental (Aquatische Ecotoxicologie) y Kinesthesie (Houding en Beweginsleer- Medisch Biologie). Sr. Dumfries a cuminsa traha den enseñansa na aña 1990 como docente di Biologia (1e graad) na diferente scol e.o. Abraham de Veer School, IPA y a traha dies aña na Colegio Arubano ( HAVO y VWO ), como tambe na Examenbureau y Cirriculum Ontwikkeling di Departamento di Enseñansa (DEA).
