Diabierna ultimo, MetaCorp un biaha mas a tene su “Jump In” carnavalesco cu e tema “Flower Power in 2026.” E actividad a tuma luga den Balashi Beergarden.
Tabata un anochi inolvidabel yena cu alegria, colornan vibrante y hopi nostalgia. Cu e tema di e aña aki “Flower Power in 2026” a celebra e spirito di añanan 1960 y 1970, cu decoracionnan bibo, kostuumnan colorido y un ambiente festivo.
Empleadonan a disfruta di e musica di Tsunami. Hunto cu e beatnan energetico di DR Eli, kende a mantene e pista di baile yen henter anochi. E ambiente vibrante, complementa cu T-shirtnan colorido, cu fantasia di headpiece y shoulderpiece crea y decora cu e materialnan recicla, hunto cu decoracionnan inspira pa “Flower Power”, a crea e ambiente perfecto pa empleadonan conecta, relaha y brasa e spirito di e era.
E evento tabata un tremendo exito, promoviendo e trabou di traha den ekipo y mustrando e cultura creativo y vibrante cu ta haci MetaCorp un luga caminda flornan ta florece y innovacion ta prospera.
Danki na tur empleado cu a asisti y cu a contribui pa haci e evento aki memorabel.
