Dia 25 di januari 2026 partido MEP a tene un rifa pa recauda fondo pa e partido. No ta un secreto cu e gobierno di AVP Futuro no ta solido, debi na tantisimo friccion interno y duda den integridad. Den un situacion asina tur partdo politico ta prepara pa eleccion cualquier momento. Pa esey partido MEP a organisa un rifa, cu tabata sold out.
E prome premio tabata un premio cash di 10 mil florin, y e di dos premio tabata un premio cash di 5 mil florin. Ademas a regala 10 basket como di 3 premio.Entrega di e tur e premionan a tuma lugar e siman aki. Partido MEP ta gradici tur esnan cu a contribui pa haci e rifa uno exitoso, y ta felicita e ganadornan.
Esaki ta un aña hopi special pa partido MEP, mirando cu ta e aña cu nos ta celebra 40 aña di Status Aparte, 50 aña di nos himno y nos bandera y 55 aña di nos partido MEP.
“Mi ta sintimi honra y sumamente orguyoso cu mi por lidera e prestigioso partido aki, cu a logra asina tanto pa nos pais. Si no tabata pa e lucha di Betico Croes pa nos Himno, Bandera y Status Aparte y si no tabata pa e lucha di Nel Oduber pa scrap e fecha di independencia, awe nos lo no ta celebrando ni 40 aña di Status Aparte, ni 50 aña di Himno y Bandera”, Evelyn Wever-Croes a finalisa bisando.
