Na Bucuti & Tara Beach Resort, Dia di San Valentin no solamente ta celebra cu romanticismo, sino tambe cu experencianan cu ta carga sentido y destina pa keda como recuerdo. Na e centro di e filosofia aki ta Terra pa Jeremy Ford, e experiencia gastronomico exclusivo di e resort, caminda amor ta wordo expresa den cada detaye: den sabor cu ta conta historia, un laso spiritual cu e tera, y un ambiente cuidadosamente crea pa stimula intimidad.
Pa e anochi special di San Valentin, Terra ta invita parehanan pa drenta den un experencia culinario eleva, via dos menu cuidadosamente crea: e menu culinario renombra di e restaurant, “The Story”, hunto cu un menu exclusivo di cuater curso crea specialmente pa Dia di San Valentin y disponibel pa un solo anochi.
E capacidad ta limita deliberadamente pa mantene e ambiente intimo cu ta defini e experiencia di Terra. Pe’esey, reservacion adelanta ta recomenda.
Dos experencia culinario unico pa Dia di San Valentin
Cu e seleccion di e menu “The Story”, parehanan por disfruta di varios curso diseña pa stimula tur sentido, cada curso ta wordo presenta como un capitulo cu ta uni sabor, arte y storia den un experencia inolvidabel.
Entre e elementonan sobresaliente di e menu ta brioche cu miso honey butter, hamachi crudo cu rabano comprimi y granita di citrus cu umami, tartlet di scallop cu un toke huma di carbon, y Wagyu striploin di Westholme Ranch, sirbi cu gnocchi traha na cas y un duxelle di champignon refina.
E experencia ta culmina cu un dessert elegante y originalmente inspira riba piña colada—un mousse di coco cu piña rostisa, cu ta agrega un toke di alegria den un final cu elegancia.
Pa esnan cu ta busca un experiencia mas enfoca pero igualmente expresivo, Terra ta presenta un menu special di cuater curso dedica na Dia di San Valentin, disponibel pa USD $99 pa persona. Cu e menu aki e anochi ta cuminsa cu e brioche distingui di Terra, sigui pa plato inicial manera hamachi crudo of wagyu beef tartar. Un intermezzo refrescante cu sorbet di gin, yuzu y concomber ta sigui.
Pa plato principal, parehanan por scoge entre queen snapper cu un toke di binchotan of galina rostisa cu truffle. E celebracion ta finalisa riba un nota dushi, cu dessertnan manera tres leches cu hibiscus y guava of un brownie di chuculati cu rum, banana y ijscream di hazelnut.
Tur dos experencia ta refleha Terra su filosofia basa riba sabornan internacional combina cu ingredientenan local pa medio di colaboracion estrecho cu piscadonan y cunukeronan local. Pa conserva e integridad y fluho di e experiencia, tur dos menu ta wordo ofreci exclusivamente como cursonan cura; no tin seleccion à la carte disponibel pa e anochi aki so. Alternativanan vegetariano y vegano semper ta disponibel, sigurando cu cada invitado por disfruta completamente di e anochi.
Unda e spirito di Aruba ta uni cu pasion gastronomico
Soña y realisa pa Chef Jeremy Ford hunto cu Executive Chef Jeanclaude Werleman y Chef de Cuisine Moises Ramirez, Terra ta un homenahe bibo na Aruba—su tera, su ritmo, su spirito. Tur plato ta un expresion di harmonia entre sabor y naturalesa, pasado y presente, realisa cu tecnica refina, detayenan natural cu ta selecta cu cuido y ingredientenan obtene di manera consciente.
Situa den Bucuti & Tara Beach Resort, Terra ta refleha e entrega di e resort na luho cu proposito, sostenibilidad y experencianan cu ta stimula conexion autentico—convertiendo di dje un ambiente ideal y inspirador pa celebra amor riba Dia di San Valentin.
Un experencia intimo, limita pa diseño
Na Terra, Su ambiente refina hunto cu un atencion personalisa ta crea e invitacion ideal pa disfruta di un experencia exclusivo y romantico. E capacidad reduci di e restaurant ta un decision strategico pa mantene e intimidad cu ta defini tanto Terra como Bucuti & Tara Beach Resort.
Aun asina, e sintimento di e anochi ta continua mas aya di Dia di San Valentin mes: na Terra, romanticismo ta un elemento esencial di su identidad, ofreciendo tur anochi un experencia significante y conexion real.Pa reservacion, bishita: www.terraaruba.com
