Diadomingo anochi rond di 10’or polis y brandweer a wordo manda cu urgencia pa un candela di cas.
Tawata rond di 10’or cu informacion a drenta cu tin un cas na candela, polis a yega prome y berdad a constata un cas completamente na candela.
Mesora a pidi pa brandweer cu maximo urgencia, mirando cu e casnan ta pega cu otro y e candela por expande masha rapido mes.
Elmar tambe mester a presenta lihe, door cu un palo di luz lo a pega candela tambe.
Varios unidad di polis a cera algun caya pa brandweer por a combati e candela.
No ta conoci te ainda kiko por a inicia e candela.
