Arubaanse Voetbal Bond (AVB) a anuncia oficialmente e partido final di Copa Betico Croes 2026, unda cu e ekiponan di S.V. La Fama y S.V. Dakota lo enfrenta otro pa determina cua di nan dos lo carga e titulo maximo di campeon. Tur cos ta cla pa un anochi yen di emocion riba velt.
Aki ta sigui e detayenan di e encuentro:
- Fecha: Diabierna, 13 di februari 2026
- Ora: 8:30 PM
- Luga: Centro Deportivo Guillermo Prospero Trinidad (CDGT)
- Wega: S.V. La Fama vs S.V. Dakota
Reglanan di wega y cambio Si dado caso e partido termina empata despues di e tempo reglamentario, lo hunga dos tempo adicional di 15 minuut cada banda. Si ainda no tin un ganador, e decision lo cay mediante tironan penal (5 pa cada ekipo). Esaki lo sigui te ora cu defini un ganador. Pa e final aki, e ekiponan tin permiti maximo 11 hungado suplente riba banki y por realisa un total di 7 cambio durante e wega.
Logistica y organisacion S.V. La Fama lo fungi como e ekipo local (Home-Team) y nan simpatisantenan lo ocupa e tribuna pariba sin dak. Di otro banda, S.V. Dakota lo ta e bishitante (Visitor-Team) y nan siguidornan lo ta situa den e tribuna pabou na banda drechi.
