Bao di coordinacion di stagiaire Jaimery Santos di EPI sector Salubridad y Servicio, un grupo di cliente di FAVI a haci un excursion educativo na nos prestigioso Museo Archeologico di Aruba. Nos a wordo bon ricibi dor di Carin y Suzy, nan a pecura pa e grupo haya informacion personal.
E cliente cu un limitacion visual por a experencia e museo. Nos a scucha informacion verbal y tambe di video y audio instala na nos Museo. Nos por a fula y sinti algun exposicion di e museo por ehempel e muraya di cas di antes, montura di spiel di cas di famia Ecury, mesa, stoel y algun muebles di e cas di famia Ecury. Tambe nos por a experencia e bida di indjan, nan cas y tambe scucha con nan a biba den tempo di ceramica.
Nos di FAVI por a experencia cu nos museo ta apto pa nos hendenan cu limitacion visual. Tambe cacho di guia pa persona cu limitacion di bista ta bon bini.
Nos ta spera cu den futuro por añadi algun informacion di audio adicional y di braille pa nos Museo por bira mas inclusivo pa persona cu limitacion visual.
Si bo ta un persona cu limitacion di bista y ta desea di bishita e museo, nos di FAVI ta recomenda pa tuma contacto cu e museo y haci un cita pa asina bo bishita por ta personalisa.
Masha danki na Suzy y Carin pa e bunita dia cu a wordo pa prepara pa nos
Pa mas informacion tocante con pa biba cu un problema di bista yama FAVI na 5825222 of manda nos un whatsapp na 5608225.
