Minister Gerlien Croes a laga hopi di su votadornan decepciona. Un politico cu durante su tempo den oposicion a traha fuerte riba tema di transparencia, responsabilidad, awor ta wordo cuestiona pa su silencio y falta di claridad for di e cargo ministerial cu ta ocupa.
E preocupacion principal ta rond un viaje cu a tuma lugar na november 2025, ora minister Croes a subi un jet priva, acompaña pa su secretaria/consehero, un persona cu ta miembro di su famia. Te awor, no tin claridad publico riba con y ken a paga e vuelo, ni bao cua condicionnan e viaje a wordo haci.
Loke mas ta molestia su votadornan no ta solamente e viaje mes, sino e falta di splicacion. Un lider politico cu a construí su imagen riba palabra y promesa di transparencia, awor ta mustra un silencio cu ta lanta mas preguntanan y sin contesta. Pueblo ta spera cu un minister, specialmento un cu a exigi claridad di otro anteriormente, ta dispuesto pa duna cuenta cla y completo ora e mes ta den posicion di poder.
Criticanan ta bisa cu e cambio di actitud ta fuerte: promesanan di antes ta parce cu a wordo lubida, como si memoria politica a desaparece ora a yega na poder. E sentimiento general ta cu no ta suficiente pa keda keto ni evita e tema; transparencia no ta opcional, ta un obligacion.
