Dialuna atardi pasa di 4’or polis a bay pura un adres na Tanki Flip, unda cu lo tawata tin un pelea formal tumando luga.
Polis a yega dilanti di un negoshi y eynan a bin topa cu un dama riba vloer. E dama tawata herida y tawata keha di basta dolor.
Autoridad a cuminsa averigua kiko a pasa y a resulta cu e homber cu a comete e maltrato serio aki ainda tawata na e sitio.
Polis mientrastanto a pidi pa un ambulance. Paramediconan na yegada mesora a bay na e dama cu tawata sinta riba vloer. No a keda nada otro cu transporta e dama pa Hospitaal, unda cu lo tin di mira con serio e brasa ta.
A pidi tambe transportwagen y por a mira e transportwagen di CEA a yega pa duna un man y hiba e homber warda di polis, unda e lo keda cera pendiente investigacion y si e dama no cambia su declaracion.
