No tin nada na mundo cu por kita nos pica y haci nos limpi si no ta e poder di e Sanger di Cristo Hesus kende a muri na crus pa nos, pa pordon di nos picanan, pasobra ta para scirbi:
Sabiendo cu boso no a wordo redimi cu cosnan cu ta perese,manera plata of oro,for di boso manera bano di biba cu boso a hereda di boso antepasadonan, Ma cu e sanger presioso, como di un lamchi sin defecto, y sin mancha,e sanger di Cristo.( 1 Pedro 1:18-19).
Ma si nos cana den nos lus mescos E mes ta den lus, nos tin comunion cu otro, y e sanger di Hesus , Su Yiu a limpia nos di tur pica.( 1 Juan 1:7).
Segun ley tur cos ta wordo purifica cu sanger, y sin deramamento di sanger no tin pordon di pica.( Hebreonan 9:22). Y nos tin cu comprende cu esey a sosode un biaha so na crus riba Calvario.
Den dj’E nos tin redencion pa medio di Su sanger, e pordon di nos picanan, segun e rikesa di Su gracia.
E a haci Esun Kende no tabata conoce pica, bira pica pa nos, pa nos por bira husticia di Dios den dj’E.
( 2 Corintionan 5:21).
Pesey awor no tin condenacion pa esnan cu ta den Cristo Hesus. E a condena pica den carni pe exigencia di ley por wordo cumpli den nos, kendenan no ta cana segun e carni, ma segun e Spirito.( Romanonan 8 :1-4).
Ma Dios a demostra Su mes amor pa nos cu nos den esaki cu tempo nos tabata pecado ainda, Cristo a muri pa nos.Mucho mas anto, siendo hustifica awor pa medio di Su sanger, nos lo ta salba for di e furia di Dios door di dj’E.(Romanonan 5:8-9).
E ora ey Hesus a bisa nan, Di berdad, di berdad Mi ta bisa boso, si boso no come e carni di e Yiu di Hende,y bebe su sanger, boso no tin bida den boso. Esun cu come Mi carni y bebe Mi sanger, tin bida eterno,y lo Mi lante den e ultimo dia. Pasobra Mi carni ta cuminda berdadero, y Mi sanger ta bebida berdadero. Esun cu come Mi carmi y bebe Mi sanger ta permanece den Mi.( Juan 6:53-55).
Asina anto, como cu e yuinan ta comparti den carni y sanger, E mes tambe a tuma parti na e mes un manera, asina cu pa medio di morto,E por a destrui esun cu tabatin poder riba morto esta diabel. Y por a libra esnan cu pa miedo di morto, tabata someti na sclavitud henter nan bida.( Hebreonan 2:14-15).
Pasobra si e sprengumento di sanger di cabrito y toro, y di e shinishi di bishe muhe, riba esnan cu a wordo contamina, ta santifica, pa purificacion di e carni.Cuanto mas e sanger di Cristo , kende pa medio di e Spirito eterno, a ofrece Su mes sin defecto na Dios, pa purifica boso consenshi di obranan morto pa sirbi e Dios bibo.(Hebreonan 9:12-14).
Ma awor den Cristo Hesus, boso kendenan antes tabata leu, a wordo treci serca,pa medio di e sanger di Cristo.( Efesionan 2:13).
Ta pa libertad Cristo a haci nos liber,pesey keda para firme y no sea someti atrobe na un yugo di sclavitud.( Galationan 5:1).
Mi a wordo crusifica cu Cristo,y no ta ami ta biba mas,ma Cristo ta biba den mi, e bida cu mi ta biba awor,den carni, mi ta biba pa medio di fe den e Yiu di Dios.( Galationan 2:20).
Sinceramente, Pastor Marcel Balootje
