Riba 27 di Februari, a conmemora e dia di Independencia di Republica Dominicana. Pa marca e ocasion special aki, Fundacion Dominicana Arubanse Juan Pablo Duarte hunto cu Instituto Duartiano Filial Aruba a bin hunto na Plasa Juan Pablo Duarte pa presenta un ofrenda floral bunita.
E evento a conta cu presencia di varios invitado special, entre nan Cuerpo di Bombero di San Nicolas, miembronan di e fundacion y representantenan di diferente partido politico. Despues di e ceremonia oficial na e plasa, e grupo a reuni na oficina di e Fundacion pa comparti un brindis den un ambiente di hermandad.
