Banco Central di Aruba (BCA) ta informa cu e moneda conmemorativo di plata di 5 Florin “Trupial” ta obtenibel desde  5 di maart 2026 na BCA

E Trupial ta un parha di color oranje-preto hopi yamativo cu ta biba na Aruba, Boneiro y Curaçao. E Trupial tin un cabes, lomba y rabo preto, y su halanan tin pluma preto y blanco, pero e resto di su curpa ta oranje briyante. E Trupial ta conoci no solamente pa su color hopi bunita, sino tambe pa su cantamento melodioso. Durante cantamento, e plumanan riba su garganta ta lanta, y su cantamento por wordo scucha henter dia. E Trupial ta considera un “pirata di neishi”. Na lugar di traha su mesun neishi, e ta busca un neishi bashi of e ta ataca otro parha pa tuma over nan neishi.

Specificacion:        

Metal: Plata (925/1000)   

Diameter: 38 mm                                        

Peso: 25 gram                                                                                                                                       

Calidad: Proof                                                                                                                                                                         

Denominacion: 5 Florin 

Prijs: Afl. 230,00

Pa mas informacion por tuma contacto cu Departamento Cash Operations & Logistics di BCA na telefon 525-2139. 

Pa compra: Caha di BCA na J.E. Irausquin Boulevard 8, mainta entre 8:30 y 11:45 y merdia entre 1:15 y 3:30.