Durante un ceremonia militar riba dialuna mainta, 2 di maart 2026, Compania Rotacion 50 a entrega su tareanan na e siguiente unidad, Rotacion 51. E Comandante nobo entrante, Capitan Marnix, a tuma e mando for di su predecesor durante un entrega oficial.
Despues di cuater luna intensivo den Caribe, Capitan Roderik ta wak bek cu satisfaccion riba e colaboracion y entrenamiento di Charlie/Tijger Company. E unidad a conduci varios sesion di entrenamiento riba e islanan, hunto cu un elemento medico. Tabata un oportunidad unico pa e unidad train den e clima tropical aki. Corsou, Boneiro y Aruba a duna e pelotonnan aki e oportunidad pa conduci entrenamiento tactico y desaroya habilidadnan specialisa. E tereno di tiro na Corsou ta ofrece e oportunidad pa conduci ehercicionan di candela bibu integra cu morteronan y sniper, sostene pa sistemanan no tripula y drone. Tambe nos por a colabora cu militarnan di Corsou y Wardacosta. Tabata destacabel pa mira con, apesar di diferencianan den background y metodonan di trabou, nos por a contribui conhuntamente na seguridad y stabilidad.
Compania Bravo “Bull” ta cuminsa cu su di cinco rotacion den Region Caribe. Capitan Marnix ta ansioso pa traha y entrena cu su unidad den e region. Como parti di Batayon 11 di Infanteria, ‘Garderegiment Grenadiers en Jagers’, nan ta wordu desplega normalmente for di helikopter of cu parashut, dentro di e tres tareanan principal di e forsa arma. E compania ta duna poder di combate di calidad halto for di laira pa riba tera. Como un compania den West, e enfasis ta principalmente riba operacionnan na pia. E unidad lo wordu reforsa pa e proximo 4 luna y mei cu e capacidad medico di Compania Medico 11. Ademas di ta prepara pa y realiza misionnan pa CZMCARIB, e enfoque ta riba un programa di entrenamiento interno pa prepara e unidad. E clima y medio ambiente di e Region di Caribe di Reino ta ofrece un oportunidad excelente pa traha riba e desaroyo fisico y mental, liderazgo y resistencia di e personal. Capitan Marnix y su ekipo ta wak padilanti pa colabora cu socionan di seguridad local y ta spera cu e lo ta un periodo util dor di utiliza e varios oportunidadnan di entrenamiento.
Ehercito Real di Hulanda tin un compania permanente den Caribe. E unidad aki, bao di mando di CZMCARIB, por wordu desplega pa un variedad di tarea. Durante e proximo cuater lunanan, e compania lo train na Aruba, Boneiro y Corsou.
