E charla aki ta tuma lugar dia 25 di Maart, pa 5:30 or te 7:30 di anochi na Biblioteca Nacional Arubiana-Caribiana, (Oranjestad), na Bachstraat 5. Meta di e encuentro ta pa celebra 20 aña di PAP-Wikipedia e enciclopedia liber mas grandi di mundo. Invitadonan por spera un programa educativo y interactivo cu ta brinda oportunidad pa cera conoci cu trabounan realisa pa Wikipedia riba Aruba y partnernan.
E programa ta consisiti di varios presentacion educativo cu lo duna informacion tocante PAP-Wikipedia y su comunidad online, cu enfoke riba representacion di Papiamento riba Wikipedia. Tambe lo tin presentacion di Fundacion Lanta Papiamento riba uzo di Papiamento online. Biblioteca Arubiana-Caribiana y coleccion di literatura na Papiamento, UNESCO Aruba lo elabora riba nan rol den promove uzo di Papiamento. Lo clausura e programa cu un seccion interactivo.
Wikipedia riba Aruba ta ofrece snacks crioyo y refrescante pa tur esnan presente.
E encuentro aki ta specificamente habri pa personanan cu ta traha riba preservacion di Papiamento, maestro di scol, miebronan di prensa, studiantenan di IPA y Universidad. Organisacion no-gubernamental cu enfoke riba perservacion di Cultura y Herencia di Aruba.
Pa por coordina y prepara e encuentro aki, ta pidi pa por fabor confirma bo participacion prome cu 23 di maart 2026 (cupo limita: 2 participante pa institucion). Confirma bo partipacion pa medio di nos >> formulario di registracion <<
Pa mas informacion por tuma contacto Ricardo Arends (coordinado Wikipedia riba Aruba) via +297 699 3034 of arends@wikimedia.nl
Programa
Celebracion: 20 Aña Wikipedia na Papiamento
Lugar: Biblioteca Arubiana-Caribiana, Bachstraat 5, Oranjestad
Fecha: 25 di Maart 2026
Orario: 5:30 PM – 7:30 PM
5:30 PM – Bon bini / registracion
5:45 PM – Introduccion di e evento
Presentacionnan:
● Fundacion Lanta Papiamento – “Regla di Oro” Ortografia di Papiamento Online ● Biblioteca Nacional Aruba (Arubiana-Caribiana) – Coleccion di literatura na Papiamento ● UNESCO Aruba – E rol di UNESCO den promove uzo di idioma materno.
6:30 PM – Pauze cortico
7:00 PM – Presentacion interactivo: Wikipedia riba Aruba
● Plataforma PAP-Wikipedia y rol di comunidad boluntario
7:20 PM – Pregunta & Dialogo cu publico
7:30 PM – Clausura
