Ronaldinho, tambe conoci como “O Bruxo” (E Mago) — campion mundial, ganador di Balon d’Or i embahador mundial di arte futbolistico — ta na Corsou y ta eleva e edicion 2026 na un nivel berdadera mente historico. Su participacion ta resalta e crecemento internacional di e torneo y su mision pa trece futbol di nivel mundial na Corsou y den Caribe.

E Legends Football Tournament Curaçao ta bolbe na 2026 pa su di cuater edicion, y e aña aki ta priminti di ta esun mas espectacular te awo. E evento futbolistico principal di Caribe lo ricibi un di e mas grandi talento y entretenedo cu futbol mundial a conoce: Ronaldinho Gaúcho, e maestro Brasilero cu su genialidad a traspasa generacion y a redefini e alegria di futbol.

Dia 9 y 10 di april 2026, Capital Ç — transforma atrobe den un arena di futbol di nivel mundial — lo sirbi como escenario pa dos anochi yen di partido dinamico, caminda seleccion nacional, compuesto di cinco ex-futbolista internacional legendario (5×5), lo midi forsa deportivo cu otro. Cada partido lo hunga den un formato intensivo di 2 x 15 minuut, garantisando accion continuo y momentonan inolvidabel pa e aficionadonan.

Despues di e exito rotundo di e tres edicion anterior, e torneo a amplia for di seis pa ocho pais participante. E aña aki, Spaña y Italia ta uni cu e line-up, hunto cu Argentina, Colombia, Brasil, Portugal, Hulanda y e pais anfitrion Corsou.

E evento ta presenta pa Curaçao Airport Holding, den colaboracion cu Curaçao Tourist Board. Cu un danki special na Curaçao Airport Partners pa su colaboracion cu CAH pa trece e strea legendario Ronaldinho, e aficionadonan tambe por disfruta di otro nomber grandi manera Rivaldo y Lúcio (Brasil); Carlos “El Pibe” Valderrama y Faustino Asprilla (Colombia); Ariel Ortega y Rolando Schiavi (Argentina); Wesley Sneijder y Clarence Seedorf (Hulanda); Ricardo Quaresma y Vítor Baía (Portugal).

Spaña lo ta representa pa Fernando Morientes y Michel Salgado, mientras cu Italia lo sali cu Marco Materazzi y Alessandro Nesta. E heroenan local di Corsou — incluso Stallone Isenia, Ranties “Terry” Rosina i Ludjino “Jin” Hojer — ta completa e constelacion extraordinario di strea.

E Legends Football Tournament Curaçao ta ofrece aficionadonan un oportunidad unico pa experencia grandesa futbolistico di serca, rondo di e energia bibu, hospitalidad i pasion futbolistico di Corsou.

Informacion di karchi

  • Adulto: XCG 75.00 pa anochi
  • Muchanan (te 15 aña): XCG 50.00 pa dia

Paquete di 2 dia:

  • Adulto: XCG 125.00
  • Muchanan: XCG 80.00

Experencia VIP:

  • XCG 250.00 pa dia
  • of XCG 475.00 pa pakete di 2 dia

Carchinan ta disponibel online na: https://legendscuracao.com Tambe na Van Den Tweel, Mensing Caminada iytur punto di benta di Sentro di Pago y Tu y Yo.

Pa mas informacion, bishita:

RELATED ARTICLESMORE FROM AUTHOR