Home Local Materialismo y maltrato ta mata matrimonio.

Local

Materialismo y maltrato ta mata matrimonio.

March 17, 2026

Tin hopi hende no ta kere ainda cu e plan di diabel ta pa solamente horta, mata y destrui, pasobra esey ta su naturalesa, pa danja locual Dios a estableci.

Y matrimonio ta un di e areanan cu mas e enemigo ta traha duro pa destrui, pasobra matrimonio ta refleha e amor di Cristo pa su iglesia.

Y ta tempo pa pone tur hende na altura kico ta e cosnan cu ta destrui matrimonio y hunto cune e famia.

Pablo ta bisa de 1 Tim 6:7-10:Ma di berdad santidad acompanja pa contentamento, ta di gran ganashi. Pasobra nos no a trece nada den e mundo, y nos no por hiba nada for di dje tampoco.

Y si nos tin cuminda y panja,pa bisti, cu esakinan nos mester ta contento,Ma esun cu kier bira rico ta cay den tentacion y den trampa y den hopi deseonan loko y danjino,cualnan ta hundi hende den ruina y destruccion.

Pasobra amor pa placa,ta rais pa tur sorto di maldad, y algun hende door di desea esaki, ta desvia,for di e fe, y traspasa nan mes cu hopi dolor.

Kico ta e cosnan cu hende no mester haci wega cune den nan matrimonio?

Falta di comucicacion.

Rabia, y Falta di pordon.

Nenga di acepta corecion.

Falta di respet.

Mentira, grandi y chikito ta keda mentira, y mentira ta di diabel, e gran mentiroso.

Abuso verbal y fisico, hende no por wordo insulta constantemente.

Orguyo, tene cuenta cu esun cu bo ta biba cune tambe ta hende, wak su interes tambe.

Cabes duro, no keda pretende riba algo cu bo sa cu no ta bon pa boso dos.

Falta di union spiritual ( Oracion den matrimonio).

Falta di relacion sexual, e rechasamento di otro.

Competencia, mas cu cooperacion, si un cumpra algo e otro tambe mester cumpra.

Falta di cumplimento Financiero.

Ora placa ta goberna cas, ora nos tin nos ta contento, pero asina cu placa ta schaars nos emocion ta subi y nos ta rabia.

Mal pensamento tocante di otro.Por ehempel e no ta stima mi, e tin placa pero e no kier dunami etc, etc.

Inmoralidad Sexual. ( Matrimonio ta entre dos persona, homber y muher, no tin lugar pa un di tres,).

Gastonan innecesario.

Tira pasado den cara di otro, esey ta un prueba fuerte di falta di pordon, bo a bisa cu bo a pordona, pero bo no a lubida, y asina un discucion presenta e asunto ta bolbe bini riba mesa,corda cu Senjor ta pordona y no ta corda mas riba nos picanan.(Hebreonan 8:12, Hebreonan 10;17, Jeremias 31:34).

Tene redo leu for di matrimonio, esey ta un bestia feroz.

Sea sumiso na otro den e amor di Cristo Hesus.

Esposonan mester stima nan esposa manera na mes curpa, esun cu ta stima su esposa ta stima su mes.

Esposa percura pa e respeta su esposo.

Tin hopi relacion tipo circo ta bay rond, cu den cara di hende nan ta mustra bunita pero nan dos mes sa cu cos no ta bon, pasobra tin abuso, tin falta di respet, tin falta di comunicacion, y mas tristo ainda no tin tempo intimidad , ni tampoco relacion entre nan dos.

Y locual e enemigo ta gusta ta pa hende hiba un bida di comedia, bida di mentira, bida di dobbel curason y asina e enemigo hanja caminda pa fiesta.

Ta urgente pa den tur matrimonio, e relacion cu Dios ta bini na prome lugar y ta firme, pasobra e enemigo ta cana rond buscando ken e por devora. Y esey tur hende mester sa.

Mantene amor bibo, tur momento, door di stima Dios y stima otro tur momento.

Sinceramente, Pastor Marcel BalootjeTin hopi hende no ta kere ainda cu e plan di diabel ta pa solamente horta, mata y destrui, pasobra esey ta su naturalesa, pa danja locual Dios a estableci.