Aruba Taekwondo Association (ARTBO) tin e plaser di anuncia e culminacion exitoso di su eleccion general, estableciendo un team di liderasgo cu lo guia e organisacion durante e periodo 2026-2028.
Supervision y Transparencia
Pa garantisa e standardnan mas halto di integridad y transparencia, e proceso completo di eleccion tabata maneha y supervisa pa un panel distingui di representantenan di instancianan deportivo oficial. ARTBO ta expresa su gratitud profundo na Sr. Elvin Landrau Ramos,vice-presidente – Panamerican Taekwondo Union (PATU) region Caribe, Sra. Soraida Boekhoudt, Presidente – Aruba Sport Unie (ASU), Sra. Julissa Bislip, Asistente Administrativo – Aruba Sport Unie (ASU), y Sr. Patrick Werleman Director Desaroyo di Deporte – Comité Olímpico Arubano (COA). Nan presencia y supervision tabata fundamental pa e ehecucion exitoso di e proceso democratico aki. Tambe a conta cu presencia di Sra. Maria de Lourdes ‘Marilu’ de Veer.
Resultado di Eleccion: Directiva 2026-2028
E siguiente miembronan a wordo eligi pa lidera ARTBO den e proximo termino:
- Presidente: Sr. Moisés Fernandes
- Vice-Presidente: Sr. Norberto Tromp
- Secretario: Sr. David Fernandes
- Tesorero: Sr. Audric Solagnier
- Comisario: Sr. Harold Tromp
- Comisario: Srta. Angela Angela
- Comisario: Srta. Aischal van der Linde
Despedida di secretaria Sharissa Wever
Directiva ta probecha e oportunidad aki pa expresa un aprecio sinsero na e secretaria saliente, Sra. Sharissa Wever. Sra. Wever tabata, y ta keda, un balor agrega grandi pa e comunidad di Taekwondo na Aruba. Su dedicacion, profesionalismo y pasion pa e deporte a laga un marca positivo den e organisacion. ARTBO ta gradici’e pa su añanan di servicio y su apoyo continuo.
Union den Comunidad
ARTBO kier a gradici tur e scolnan miembro y delegadonan presente pa nan participacion y compromiso cu e deporte: Impact Taekwondo, Tiger Taekwondo Academy, Estrella Taekwondo & Martial Arts Foundation, Caribbean Taekwondo Institute, Elite Taekwondo, Chaco Taekwondo Academy, San Nicolas Taekwondo Center, Brazil Taekwondo, y Crotalus Taekwondo.
ARTBO ta mira padilanti pa un periodo di crecemento y excelencia mientras e ta sigui eleva e nivel di Taekwondo na Aruba y riba scenario internacional.
