Mi dushi Aruba, mi ta para cerca bo tera
Cu curason habri y alma yen di pregunta
Conta mi kico tempo a sconde den bo brasa Di añanan cu a pasa tras di bo lomba
Den cincuenta aña, bo a mira hopi cambio
Lucha, speransa y paso firme riba tera
Lidernan a para manera baranca sin cay Pa nos identidad, nos bos, nos bandera
Awe nos ta canta Himno cu orguyo profundo
Bandera ta baila cu biento di libertad
Diesocho di maart ta zona den nos memoria Dia di hubilo, celebracion y dignidad
Betico su soñonan ta biba den nos pasonan
Status Aparte a cambia rumbo di historia
For di Antia, bo a para riba bo mes pia Pais autonomo cu bos propio y gloria
Aruba, bo ta perla den Lama Caribe
Nos cas, nos raiz, nos herencia eterno
Nos ta priminti di cuida loke a wordo logra Pasobra bo ta patria, awe y pa semper
Feliz día di Himno y Bandera
Ariana M. Koolman-Chirino (Lady Ari)
