Oracion ta nos comunicacion cu Dios,
Oracion ta cambia tur situacion,
Oracion ta trece bendicion,
Oracion nunca no ta di mas,
Palabra di Dios ta bisa pa haci oracion sin stop,
Oracion ta kibra maldicion,
Oracion ta trece sanacion,
Oracion ta trece liberacion,
Oracion ta trece union,
Oracion ta cambia direccion,
Oracion ta desvia maldad,
Oracion ta kibra tur cadena,
Oracion ta preveni desaster,
Oracion ta trece crecemento,
Oracion ta uni famia,
Oracion ta trece pas,
Oracion ta trece presencia di Dios,
Oracion ta kibra cu mentira.
Oracion ta basha bao tur hipocrecia y falsedad,
Oracion ta hiba hende riba e bon caminda,
Oracion ta trece proteccion,
Oracion y mas oracion ta pone hende sinti bon.
Si Mi pueblo cu a wordo yama na Mi nomber humiya nan mes,y haci oracion,y busca Mi cara,y bira for di nan mal camindanan , e ora ey lo Mi tende for di cielo,y lo Mi pordona nan pica, y cura nan tera.
( 2 Cronicanan 7:14).
No preocupa pa nada, ma den tur cos pa medio di oracion y suplica cu gradicimento,laga boso peticion ta conoci dilanti di Dios, Y e pas di Dios, cu ta surpasa tur comprondemento, lo warda boso curason y boso mente den Cristo Hesus.( Filpensenan 4:6-7).
Juan 14:13-14.ta para scirbi: Y tur loke boso pidi den Mi nomber, esey lo Mi haci, Pa e Tata wordo glorifica den e Yiu. Si boso pidi algo den Mi nomber lo Mi hacie.
Y tur loke boso pidi den oracion cu Fe boso lo ricibi. ( Mateo 21:22).
Mi ta bisa boso, tur loke boso, pidi ora boso ta haci oracion, kere cu boso ta ricibie , y e lo bira di boso. Y ki ora cu boso ta para ta haci oracion, pordona si boso tin algo contra un hende,pa boso Tata cu ta den cielo, tambe pordona boso, boso transgreshonnan.Ma si boso no pordona, boso Tata cu ta den cielo tampoco lo no pordona boso trangreshonnan.
Ma lage pidi cu fe, sin ningun duda, pasobra esun cu ta duda, lo ta manera ora di laman,cu ta wordo lastra,y tira door di biento. Pasobra no laga e hende ey spera,cu e lo ricibi algo di Senjor,siendo un hende di curason dobbel,inconstante den tur su camindanan.( Santiago 1:6-8).
Ora nos ta haci oracion , nos mester kere cu Dios por hacie, pasobra pa hende por ta imposibel, pero pa Dios tur cos ta posibel,nos mester kere cu Dios por, y cu Dios ta capas, esey ta mustra cu nos tin confiansa den nos Senjor y Salbador, y e ora ey nos lo mira su man move.
Oracion ta hiba nos na obediencia completo na Dios, oracion ta provoca humildad, pasobra nos mester drenta e presencia di Dios cu humildad,nos mester aserca e trono di Dios cu confiansa, pasobra despues di Dios ta Dios mes, e ta e unico, nos Baranca fuerte , nos refugio y nos fortaleza.
1 Timoteo 2:8 ta para scirbi: Pesey mi kier pa e hombernan di tur luga haci oracion, hisando mannan santo sin rabia, y sin pleito.
Esaki ta bon y aceptabel den bista di Dios nos salbador,Kende ta desea pa tur hende wordo salba, y yega na e conocemento di e berdad.Pasobra ta un Dios so tin, y un mediador tambe entre Dios y hende e hende Cristo Hesus.( 1 Timoteo 2:3-5).
E oracion di un hende husto por hopi.( Santiago 5;16).
E oracion semper tin lugar den presencia di Dios.
Oracion ta e yabi di comunicacion entre hende y Dios.
Un bida sin oracion ta un bida sin direccion.
Sinceramente, Pastor Marcel Balootje
