E pelicula local E Bruha, Bruhá 2 tabata presenta e siman cu a pasa como pelicula den aire liber na Sero Pita.
Na cas di Ruben Croes famia y amigonan di e produccion aki tabatin e chens di disfruta di e parti 2 di E Bruha, Bruhá.
E pelicula tin e bon actuacion di Yvonne Tromp, Desiree Croes, Addonsito Croes, Lelicia Tromp, Mirto Tromp, Edwin Duineveld, Egmond Molina y Shajir Croes. Tur esakinan tambe cu tremendo cast di extra actornan.
Desiree Croes a gradici un y tur pa e sosten di semper y a menciona cu tur fondo recauda lo ta uza pa e produccion nobo di E Bruha, Bruhá 3 cu lo ta cerando e ciclo di 3 pelicula.
E Bruha, Bruhá ta saca di e buki di e escritor local Desiree Croes yama No Mas.
E Bruha, Bruhà 1 tabata un exito grandi den 2025 cu un audiencia grandi na Aruba, Corsou y un parti na Amsterdam resultando como e pelicula di aña den Krioyo Film Festival 2025.
Bruha, Bruha 1 por ta mira keto bay riba e plataforma digital di VIMEO.com.
