Siman pasa a tuma lugar diferente reunion importante den cuadro di e Comision Fiho di Husticia, Integracion y Peticionnan, cu e Minister di Husticia y su respectivo departamentonan manera Directie Voogijdraad, DIMAS y tambe a elabora tocante e futuro di casinowezen Aruba.
โComo presidente di e comision fiho, mi ta kere cu ta sumamente importante pa e comision mantene un dialogo directo y continuo cu e Minister di Husticia y su departamentonan, pa asina nos, como miembronan di parlamento, por eherce nos rol di control di forma responsabel y efectivo,โ Sr. Hart a declara.
Otro tema importante cu lo atende cune den Comision Fiho di Husticia e siman aki ta e tema di Mensenhandel y Mensensmokkel cu Coรถrdinatiecentrum Mensenhandel Mensensmokkel Aruba (CMMA),โ Sr. Hart a indica. Un topico den e cuadro di traficacion humano sumamente relevante ta, por ehempel, ta explotacion laboral.
Riba e mercado laboral informal tin abuso ta tuma lugar. E ta un realidad tambe cu migrantenan na Aruba ta vulnerabel na explotacion; incidentenan manera keda sin haya pago door di doรฑonan di trabou ta kehonan real cu hopi persona indocumenta ta biba cune.
Pโesey reunionnan den comision ta importante pa Parlamento por profundisa su mes hunto cu profesionalnan den e tema y por di e manera aki no solamente evalua e efectividad di e maneho y con esaki ta relata na otro areanan integral, pero tambe evalua con Parlamento por aporta mas concreto.
Un tema cu sigur lo keda un tema central den e comision fiho di husticia ta siguridad di trafico. Aunke Parlamento di Aruba a pasa un ley pa roekeloos rijden, e tematica di siguridad di trafico ta keda rekeri mas atencion. No obstante con bon un ley ta, e impacto ta funciona na momento cu tin bon handhaving. Den siguridad di trafico por ehempel, presencia consistente di Polis riba nos careteranan ta necesario pa mehora e probabilidad di detencion.
