E stoel cu yama “Comfortabel” tin hopi hende no kier move y ta pensa cu tur cos nan lo hanja sin haci un esfuerso, nan ta lubida cu si un hende kier crece, tanto personal of spiritual esfuerso mester wordo haci.
Crecemento Spiritual ta bini door di e gracia di Dios riba nos bida pero nos mester corda cu nosmester somete na Dios, pa asina nos crecemento ta completo.
Tin un generacion awor aki cu ta mira tur cos facil, nan ta drumi laat y kier lanta tempran, nan no ta come bon pero ta pretende di tin forsa, nan ta mara na vicio y no kier tende pa laga los, pica ta goberna nan bida y error ta wordo comete. Pero te ainda nan no kier reconoce Cristo Hesus como Senjor y Salbador.
Tur cos ta digital, tur cos ta suave, tur cos ta normal, nada ta di worry cune, mientras cu e enemigo ta wordo ignora, pero e palabra di Dios ta bisa , Sea alerta, sea sobrio, boso adversario e diabel ta cana manera leon cu ta grunja buscando ken e por devora.
Hende ta fria y bandona caminda di Dios, inmoralidad ta avansa y hende ta lubida locual e palabra di Dios ta bisa: Pesey somete boso mes na Dios, resisti e diabel y lo huy for di boso.
Mas ainda tur hende ta wordo adverti den Mateo 26:41 cual ta bisa:Keda vigila y haci oracion, pa boso no cay den tentacion,e spiritu ta boluntario ma e carni ta debil.
Mescos cu yuinan recien naci anhela e lechi puro di e palabra, asina pa medio di dje boso por crece den salbacion, si boso a purba e carinjo di Senjor.( 1 Pedro 2;2-3).
E tempo cu nos ta bibando aden ta trabahoso, pesey Hesus a bisa cu esun cu perservera te na fin esey lo ta salba.
Ta para scirbi cu cada ken cu kier biba un bida santo den Cristo Hesus lo wordo persigi.( 2 Timoteo 3;12).
Pero tur esaki no por causa frialdad den nos, pasobra nos sa cu den Cristo nos ta mas cu vencedor.
Esey ta nifica cu sigi congrega , sigi lesa bo bijbel, sigi ayuna. Sigi busca cara di Dios, pasobra e ora ni e dia di e binida di Cristo Hesus ningun hende no sa.
Corda cu nos ta embahadornan den Cristo, nos ta esnan spiritual cu Dios ta conta cune pa haci Su trabao aki na tera.
Tur loke boso haci, haci boso trabao di curason,como pa Senjor y no pa hende,sabiendo cu for di Senjor boso ta ricibi e recompensa di e herencia.( Colosensenan 3:23-24).
No ta cumbini ningun mayor lanta un yiu floho, malcria y onbeschoft, cu no por drecha su cama, no por laba tayo, tampoco haci cas limpi, pasobra un hoben asina lo no sinja cu mester esforsa pa yega na crecemento.
Ami ta e mata di wijndruif boso ta e ramanan,esun cu keda den Mi, y ami den dje,esey ta duna hopi fruta, pasobra separa di Mi boso no por haci nada.(Juan 15:5).
No sea conforme e mundo aki,ma sea transforma pa medio di e renobamento di boso mente, pa boso por comproba kico ta e bon y agradabel,y perfecto boluntad di Dios.
E hende husto lo florece manera palma, e lo crece manera palo di seda na Libano. Planta den e cas di Senjor nan lo florece den plenchinan di nos Dios.(Salmo 92;12-13),
Pasobra un hende husto ta cay siete bes y Senjor lo lante,atrobe. e malbadonan lo trompica,
den tempo di calamidad.
Sin esfuerso no tin crecemento.
Sinceramente, Pastor Marcel Balootje
