Tin cos cu hende mester preocupa cune, y tin cos cu hende no mester preocupa cune.
Alcontrario Pablo ta scirbi den Filipensenan 4:6 no preocupa pa nada, ma den tur cos , pa medio di oracion,suplica cu gradicimento,laga boso peticion ta conoce dilanti di Dios.
Dios a duna un mandato grandi, cual ta bay den mundo y predica e evangelio di Dios, y haci disipulo esun cu kere lo wordo salba y esun cu no kere lo bay perdi.
For di principio di mundo tabatin hendenan cu ta bay contra palabra di Dios, y nan tur a wordo destrui ( Genesis 6-7) .
Despeues a lanta un otro grupo atrobe den Sodoma y Gommora, y nan tur a wordo destrui.
Despues a bini tur esnan cu a lanta cu Moises den desierto y nan tur a wordo destrui.
Despues a bini esnan cu tabata adora Dios falso riba Sero di Carmelo y Elias a yama candela for di cielo, y nan a wordo destrui.( 1 Reynan 18:16-40)
Laga nos tene bon cuenta, pasobra un hende cu no kier tende,e palabra di Dios, hende rebelde, hende cu ta rechasa Dios,y cu no kier reconoce Dios ( Romanonan 1:28-32 lo sufri e concecuencia di nan actitud.
Pasobra ora hende rechasa e palabra di Dios, ta Dios mes nan ta rechasa,y esun cu ta rechasa e Yiu, ta rechasa e Tata y no por drenta den cielo.Wak bon locual tin para scirbi den Juan 3:36).
Awendia tin hopi hende ta kere cu nan por reta Dios, door di reta su palabra, pero na final ta perdida so tin pa esnan cu no tin Cristo Hesus den nan curason, y no ta biba segun su palabra.
No ta un motibo pa hende sinti nan mes ofendi, pero ta asina e ta para scirbi den Juan 3:16-19 y tambe locual ta para scirbi den Romanonan 10:9-10-13, tur hende mester tene bon cuenta cune.
Pero ora nos mira manifestacion di maldad, y aumento di inmoralidad y abominacion y blasfemia, nos mester haci mas oracion,y predica e palabra, pa hende por yega di compronde locual ta para scirbi den 2 Pedro 3:7 bisando ma e shelonan y e tera actual, pa medio di Su Palabra ta wordo reserva pa candela, warda pa e dia di huicio y destruccion di hende impio.
Awor ta ken ta hende impio? Hende cu ta rechasa y haci cherche di e palabra di Dios,cu ta biba den pica y no kier arepenti, y laga los y cu ta troce e berdad, cu ta cambia ley pa duna maldad y inmoralidad forsa contra e palabra di Dios.
Salbacion tey pa tur hende pasobra di acuerdo cu 2 Pedro 3:8-9, Dios no kier pa ningun hende bay perdi pero pa tur yega na conocemento di e Berdad.
Cristo Hesus a bisa: Ami ta e caminda y e berdad, y e bida, ni un hende por yega serca e Tata sino ta pa medio di Mi.( Juan 14:6-7).
Hopi hende no ta kere e peliger di chercha e Palabra di Dios, y nan ta lubida cu Dios a duna su unico Yiu pa muri pa nos na crus pa nos salbacion.
Nos tin di tene masha cuenta cu locual ta para scirbi den Mateo 13:24-30 y Mateo 13 : 37-43 pasobra e palabra di Dios no ta cambia y e palabra di Dios tin poder, y tur hende lo sufri e consecuencia di nan rebeldia.
Dios a duna nos su palabra pa wordo predica , pasobra palabra di Dios, ta Dios su manifestacion, riba e tera aki.
Laga nos tene bon cuenta locual e palabra di Dios ta bisa.
Sinceramente,Pastor Marcel Balootje
