Den tur cas displina y coreccion mester existi, ora un mucha haci algo robes su atencion mester wordo hala, pasobra displina y coreccion ta forma karakter y integridad.
Un mucha cu no wordo educa na su cas, ta un problema pa su mes, pa su famia, y mas despues pa henter comunidad, pasobra su mal manera, y su actitud negativo, por haci danjo na tercera persona, pasobra e no a wordo lanta cu berdad, pesey su hechonan no ta bon.
Pero tin coreccion y disiplina c mester wordo aplica , pasobra Dios ta bisa den su palabra cu E ta disiplina esun cu e ta stima.( Hebreonan 12:6-12).
E orden cu abo como mayor pone den bida di bo yiu awe, ta su tesoro pa mayan cu Dios kier, hende lo keda asombra di su bon manera, y con e ta papia berdad tur momento y nan lo reconoce cu e ta bini for di un cas, caminda e a ricibi disiplina y coreccion den Senjor.
Pero lastima mente tin hopi hende ta bay tras di moda, cosnan moderno y nan ta lubida, of nan no kier, of nan tin miedo di pone orden den bida di nan yiu.
Pasobra nan ta biba bao di manipulacion, cu si nan pone orden e mucha ta rabia, y e no ta coopera den cas, nan ta bao di menasa di nan propio yiu cu si nan bise algo e ta bay for di cas.
Y nan no kier pasa e berguensa, pero locual nan ta lubida ta cu den tur e cos ey diabel ta cohe bentaha den bida di e mucha, y asina e lo hibe den caminda di scuridad.
Y mayor lo ripara cu e falta di disiplina cu e no a hanja na cas, scol no por acepta un mucha asina ey, cu tur e consecuencia cu nos tur a custumbra cune.
Bo tabata sa cu pa falta di disiplina cu un mucha no ricibi cas e mucha por perde su bida riba caya?
Disiplina y Coreccion ta un mester, pero duresa di curason contra bo propio yiu, no ta bini di Dios.
Ora un mucha haci algo robes, e mester wordo displina, pa asina e conoce e bon direccion di bida.
Pero esey no ta nifica cu e mayor tin cu keda papia riba e cos constant, y no ta demostra , amor y pordon den e asunto, pasobra Dios mes ta pordona y ta lubida nos picanan.
Awendia telefon ta hunga un gran rol den bida di mucha, pero mayor mester tin control riba e telefon, mester ta posibel, cu ta telefon mester kita for di un mucha pa e comporta su mes bon, y ta obediente na su mayornan, e telefon mester wordo kita,
Si mester kita e telefon pa evita bo yiu di problema riba scol y caya,mester kita e telefon.
Si telefon ta pone e mucha den contacto cu hendenan perverso, cu kier danja su mente, kita e telefon.
Si ta via e telefon e ta wordo intimida y di bully , mayor tin tur derecho pa kita e telefon for di e mucha.
Si pa motibo di e telefon cu abo como mayor a cumpra pa bo yiu, awor a resulta cu pa motibo di e telefon ey e no kier haci nada den cas y no ta coopera, pero ta drumi henter dia sin haci nada, pero ta hunga riba telefon y wak pelicula, kita e telefon.
Tin algo masha importante como mayor, no kibra ningun telefon, ni hinca telefon den awa, pero educa bo yiu con e mester usa su telefon,no mustra duresa di curason.
Displina ta parti di amor, pasobra e ta bini directamente di Dios.
Sinceramente, Pastor Marcel Balootje
