E ballroom a yena cu bida y ambiente den honor di La Cabana Beach Resort & Casino su prome encuentro general pa repasa e prome kwartaal di aña 2026. Director di HR, Tessely Koolman tabata e host, presentando updates significativo, reconocementonan bon mereci, aplauso grandi y di curason, produciendo momentonan hopi caluroso, inspirando tur hende cu orguyo.
E orguyo aki ta p’e progreso di e hotel su metanan pa loke ta experiencia di huesped, y tambe orguyo riba loke ta bini pa futuro. E encuentro aki a recorda tur presente cu e hotel ta keda hisa e bara riba tur logro, y cu bo por logra tur cos ora bo haci esaki hunto.
E bon bini caluroso a set e tono: Tessely Koolman a habri e reunion cu un mensahe positivo di aprecio y union. Assistant General Manager, Lillian Britten a comparti algun comentario operacional y areanan di enfoke pa futuro, cual lo guia tur departamento den e temponan venidero.
Tambe empleadonan a ricibi un update for di Citizens Insurance riba un Abroad Coverage plan cu awor a keda mehora. Tabata tin momentonan di gratitud cu a trece tur hende hunto durante Voice Of Customer, cual ta un reconocemento duna na Janet Reid, y Best Theme Luncheon na Accounting Team, presentando ONE LOVE. Tambe Helping Hand, cu ta e resort su comision di caridad a honra Nilda pa su 20 aña di servicio y reconoc’e como Best and Most Improved AOS Scores.
General Manager, Joe Najjar, a comparti detayenan di un plan di renobacion consistiendo di tres fase, y tambe un update rib’e curason di e luga, subrayando con e resort ta invertiendo den areanan publico y personal pa mantene tur cos canando bon.
Weganan, sesion di Q&A y tambe rifanan a trece ambiente den e atardi aki, manteniendo e energia halto, cu preguntanan divertido, competencia amistoso y hopi premio. Un jingle conmemorando 35 aniversario a keda introduci, cu Gareth y Mathilde kende a duna un bunita presentacion.
E encuentro a conclui cu un cos dushi, for di un truck di ice cream cu ta para pafo di entrada di e empleadonan, a trece algun cos dushi completando e atardi riba un bon manera.
E reunion a sirbi manera un recordatorio poderoso cu ora empleadonan ta scucha, reconoce y inverti den otro, e hotel y su hendenan ta bay dilanti mas fuerte cu metanan comparti, energia renoba, y orguyo den e logronan cumpli.
Den e siguiente kwartaal, e hotel lo sigui inspira y hisa e bara mas halto ainda pa loke ta cuido di e huesped, anto celebrando cu tur empleado cu ta haci La Cabana Beach Resort & Casino un destinacion ganado.
