Biblioteca Nacional Aruba a haya bishita for di artista y autor di buki pa mucha sr. Delno Lionel Alfeo Tromp (Kralendijk, 23 april 1967), conoci tambe bou su nomber di cariño ‘Denchi’. Sra. Elsmarie Beukenboom (Fundashon Akademia Papiamentu) a compaña Denchi. E duo aki a produci e buki pa mucha ‘Quingo Flamingo’ na Boneiro. Un flamingo special, mas ros cu tur otro flamingo cu un soño pa explora mundo. Quingo ta un flamingo hoben curioso y balente.
Esaki ta un buki na tres idioma, Papiamentu, Hulandes y Ingles. Corry Elsmarie Frederica Beukenboom y Delno l.A. Tromp a pone forsa hunto pa skirbi e buki pa mucha ‘Quingo Flamingo’. Inspira pa nan propio experencianan como isleño, hunto nan a crea e historia colorido y significante aki. Y ya nan ta pensando pa produci mas buki mucha. Escritornan Elsmarie Beukenboom y Delno (Denchi) Tromp a presenta nan buki nobo na hefe suplente di Biblioteca Nacional Aruba, sra. Lilian Semeleer, titula ‘Qingo Flamingo, un publicacion cu ta promove lectura y cultura local di Boneiro.
