Cada 4 aña mundo henter lo paraliza pa algun dia caminda lo ta pendiente pa Copa Mundial di FIFA.
E Aña aki pa prome biaha den historia cu mundial di futbol ta bay wordo organiza pa 3 pais, Mexico, Canada y USA.
Apertura ta dia 11 di Juni 2026 y ta tuma lugar den Estadio Azteca na Mexico.
Mester remarca tambe cu esaki ta di tres biaha den historia cu Mexico lo ta formando parti di organiza un campeonato mundial di FIFA, prome biaha esaki a tuma lugar na aña 1970 caminda seleccion di Brazil a bay cu e titulo maximo, na aña 1986 tabata di dos ocasion caminda cu Argentina a titula campeon mundial y awor 40 aña despues lo ta parti di e organizacion di Copa Mundial FIFA 2026.
Historia di Mundial a cuminsa na 1930, caminda Uruguay tabata organizador di e torneo aki y e tempo ey Copa Mundial tabata ser yama Jules Rimet.
Un total di 13 seleccion a participa na e torneo caminda cu pais organizador Uruguay ta titula campeon, ganando Argentina den e gran final cu score di 4-2.
Keda pendiente pa proximo edicion di Na Caminda Pa Mundial 2026, Mexico, Canada, USA
