Gerlien a papia di un spaar di 800 miyon: Raad van Advies ta bisa “no tin bista cla riba prestamo ni interes”
Oranjestad – Dia 17 di maart 2026, minister Gerlien Croes a declara cu ley HOFA lo yuda Aruba spaar 800 miyon florin na intrest. Pero awor, Raad van Advies a duna un señal totalmente diferente: segun nan, ni sikiera tin claridad riba e impacto real di e ley.
E diferencia den mensahenan ta crea pregunta grandi: con por papia di cientos di miyones den spaarmento, si ni e base di debe y interes no ta cla? Raad a bisa: “No por haci evaluacion” Den su conseho oficial, e Raad van Advies ta pone duda fuerte riba e cifra nan:
“Zonder duidelijkheid over de schuldpositie en de voorwaarden kan geen volledige beoordeling plaatsvinden.”
Esaki kier bisa cu, segun e Raad, no tin suficiente informacion pa sustenta ningun calculo serio.
800 miyon: basa riba kiko?
E declaracion di Gerlien Croes a crea hopi expectativa. Pero e Raad ta mustra cu punto basico ainda no ta cla:
👉🏻Cual debe Hulanda lo tuma over
👉🏻Cual debe lo keda pa Aruba
👉🏻Con interes lo wordo calcula
Sin e detayenan aki, e pregunta ta: e 800 miyon ta basa riba ki supocision?
Interes den laira
Raad van Advies tambe ta enfatisa cu impacto riba interes no ta suficientemente splica:
“De gevolgen voor de rentelasten zijn niet voldoende inzichtelijk gemaakt.”
Si interes no ta cla, e base di cualkier spaar tambe ta cuestionabel.
Gobierno bou precion
E contraste entre e promesa di 800 miyon y e critica di e Raad ta pone Gobierno bao precion pa duna splicacion. Gerlien a chupa 800 miyon for di su duim?
Pregunta clave
Si e Raad van Advies ta bisa cu no tin ni bista completo, con por afirma cu Aruba lo spaar cientos di miyon?
E propaganda di 800 miyon di Gerlien ta contradici e advertencia di e Raad van Advies. Sin claridad riba debe y interes, e cifranan ta keda den duda y Gobierno mester duna contesta cla.
