Cu e bista poni riba e Copa di Mundo 2026, e ciudad di Guadalajara a bisti di gala. Un centenar di escultura di bal’i futbol enorme a wordo instala den e cayanan principal, plasa y parke, convirtiendo e sede den un berdadero “cancha mundialista” pa ricibi e casi tres miyon di turista cu ta spera di bishita e region.
E iniciativa aki, impulsa pa Gina Gómez, tin como meta p’a ‘e keintura di futbol wordo sinti den cada skina di e ciudad, no solamente den e stadion. “E intension ta pa nan ta den centro comercial, areanan publico y cayanan, pa tur hende tin e oportunidad di bib’e y mira mundial cu otro wowo,” Gómez a splica.
Arte, Identidad y Union E balanan, traha di fiberglass y cu un haltura di 1,8 meter, no ta simplemente decoracion. Cada un ta un obra di arte unico, interveni pa artistanan local tanto consagra como nobato. E diseñonan ta refleha e colo, e tradicionnan y e identidad Mexicano, incorporando elementonan di e cultura indigena, icononan di futbol y formanan regionalista.
P’a ‘e artesano y artista Julieta Medina, e proyecto aki ta simbolisa union: “Esaki ta representa e union, mescos cu futbol ta uni e team cu su fanaticonan.” Di mesun manera, e artista Thessy De Theresa a destaca cu su obra ta busca representa e emocion comparti: “Maske nos tur ta mira di manera distinto, nos ta sinti mescos y nos ta biba e alegria di mira nos teamnan participa den un evento global.”
Mas cu Deporte: Un Esfuerso den Team E proyecto aki a logra uni e sector cultural, empresarial y gubernamental di Jalisco. Gina Gómez, kende tambe ta lidera e organisacion Mujeres Empoderadas, a resalta e importancia di e trabou en ekipo: “E gran les cu esaki ta laga nos t’a ‘e capacidad di traha hunto — artesano, artista, smit y empresario — impactando e sociedad positivamente.”
Ademas di e balanan, Guadalajara ta prepara p’a ‘e accion real riba veld, unda e Estadio Guadalajara lo ta sede di cuater partido di e fase eliminatorio. E proyecto aki ta apenas e inicio, ya cu e organisadonan tin planea pa extende e exhibicion aki pa Ciudad de Mexico y Monterrey, e otro dos sedenan Mexicano p’a ‘e gran cita di 2026.
