E ta un pica, e ta un falta di respet pa Dios y pa hende, e ta un traicion cu e enemigo a bin cune, pa asina kibra e pacto matrimonial entre homber y muher y Dios, y cu awe na mundo ta causando hopi dolor.
No ta un wega pero ta un berdad amargo, adulterio of cortamento di horea, y conoci den pueblo como pone cacho pa otro, ta un pica, y e ta keda un pica y no ta nada di broma cune.
E ta destrui e unidad den Famia. Pasobra palabra di Dios ta bisa :Esun cu comete adulterio cu un muher ta falta di comprendemento, esun cu haci esaki ta caba cu su mes.( Proverbionan 6:32).
Adulterio ta bini cu herida y deshonor pa esun cu hacie , sea ta e homber of ta e muher, den adulterio no tin ningun tipo di ganashi, solamente berguensa y dolor.
Tambe lo bini jaloersheid y vengansa, pasobra algo sagrado a wordo kibra, y hopi biaha hende lo keda biba cu falta di pordon.
E ta causa separacion entre hende y Dios, pasobra e palabra di Dios ta bisa den Isaias 59:2 : Ma boso inikidatnan a causa separacion entre boso y boso Dios y boso pica a haci cu Su cara a keda scondi pa boso, asina cu E no ta tende.
E hecho di adulterio ta trece huicio di Dios riba bida di hende, pasobra ta para scirbi den Hebreonan 13:4 : Laga matrimonio wordo honra pa tur hende, y laga e cama matrimonial ta sin mancha,pasobra Dios ta huzga fornicador y adulteronan.
Y ta para scirbi den 1 Corintionan 6:9-10 y tambe den Galationan 5:19 e ta parece den palabra inmoralidad, pasobra adulterio ta inmoralidad, hende cu ta den adulterio , lo no hereda e reino di Dios.
Huy for di inmoralidad,Tur otro pica cu un hende comete ta pafo di e curpa, ma e hende inmoral ta peca contra su mes curpa.( 1 Corintionan 6:18).
Adulterio ta hiba na Divorcio y Dios ta bisa den su Palabra den e buki di Malakias 2 : 16 Pasobra mi ta odia divorcio, Senjor Dios di Israel ta bisa, y esun cu ta tapa su panja cu violencia, e Senjor di ehercitonan ta bisa.Pesey pone atencion na boso spirito pa boso no trata otro cu traicion.
No laga ningun hende trata su esposa di su hubentud cu traicion. Y esaki ta conta tanto pa hende homber y hende muher.
Awendia mundo a wordo contamina cu asina tanto maldad, malicia, bagamunderia y inmoralidad cu adulterio ta wordo comete cu persona di mesun sexo.
Si un hende cay den e pica di adulterio of den cualkier otro pica e no tin mester di keda aden , y asina laga diabel destrui su bida.
Palabra di Dios ta bisa den 1 Juan 1:9: Si nos confesa nos picanan E ta fiel y husto di pordona nos nos picanan y libra nos di tur inhusticia.
E ora ey gracia, pordon y misericordia lo drenta nos bida ( Juan 8: 3-11) , y tambe Dios lo restaura nos manera David a pidi den Salmo 51:7-12.
Pero tambe tur hende mester tene bon na cuenta kico e hecho di adulterio por causa den bida di nan yiunan.
E ta trece trauma emocional.( Hopi duele riba nan curason).
E mucha por yega na odia..
E ta trece hopi conflicto den cas.
E ta trece cambio den comportacion di e mucha,
Problema cu su school,problema cu su salud,y kita pas mental.
Pesey pa bienestar en general di famia, huy for di adulterio.
Sinceramente,Pastor Marcel Balootje
