Tin consecuencia severo tras mumuracion.Tin hende ta biba y kere cu Dios ta amor y cu Dios ta acepta tur cos cu hende haci y cu Dios no ta rabia , pasobra Dios ta amor, awel no laga ningun hende ganjabo pasobra murmuracion no ta agrada Dios, e ta demostra ingratitud, falta di fe y hasta cherchamento di Dios,pasobra murmuracion ta demostra cu hende ta lubida locual Dios a haci pa nan.
Tin cinco versiculo den bijbel cu ta desmostra cu Dios no ta agrada cu murmuracion di hende y cu murmuracion ta lanta rabia di Dios.
Numbernan 14:26-29 ta para scirbi: Senjor a papia cu Moises y Aaron bisando:
Te ki dia Mi tin cu soporta e congreacion malbado aki cu ta murmura contra Mi?
Bisa nan: Manera Mi ta biba,Senjor ta bisa: mescos cu boso a papia pa Mi tende, asina lo mi haci cu boso sigur, sigur, Boso cadavernan lo cay de e desierto aki, tur boso hombernan, conforme boso cantidad completo for di binti anja pariba kendenan a mumura contra Mi.
Numbernan 11:1 Awor e pueblo a keha di e cosnan duro cu nan tabata pasa aden, y ora Senjor a tende esaki, Su rabia a cende, y e candela di Senjor tabata kima meymey di nan y a caba cu algun di e partinan na rant di e campamento.
Filipensenan 2 :14-15 ta para scirbi: Haci tur cos sin murmura,ni discuti,pa boso por proba boso mes di ta sin culpa y inosente, yuinan di Dios sin reproche meymey di un generacion corumpi y perverso, entre cualnan boso ta briya manera lusnan den mundo.
1 Corintionan 10:10 ta para scirbi:No murmura manera algun di nan a haci, a wordo destrui door di e destruidor.
Judas 1;16 ta para scirbi: Esaki ta murmuradornan cu ta gusta keha,cu ta sigi tras di nan mes pasionnan, nan ta papia cu arogancia,y ta labia hende pa nan saca probecho.
Santiago of Jacobo 5:9 ta bisa lo siguiente: No keha un contra otro rumannan pa boso no wordo husga, Ata e hues ta para na porta.
Nos tur por lesa cu no ta asunto di testament Nobo of testament bieu, pero Dios ta keda mesun Dios di ayera y di awe y pa semper, mumuracion no ta agrada Dios.
Murmuracion ta un rechaso activo di confiansa den Dios.su provision y Dios su karakter.
Murmuracion ta nifica cu nos ta ricibi bondad di Dios, misericordia di Dios, sanacion di Dios, liberacion di Dios, pero toch nos ta keda haci manera Dios no haci nada pa nos.
Cuanto biaha nos ta tende hoben di awendia, cu tin tur cos ta mumurma contra nan tata, y sin nan sa cu cada biaha cu un hende ta murmura, ta contra Dios e ta murmura, y pasobra nan tata a tarda di cumpra algo pa nan , nan ta murmura bisando “ nunca mi tata a duna mi nada”.
E weganan ey ta peligroso, pasobra nan no ta wordo haci contra hende, pero mumuracion ta wordo haci directanente contra Dios, y Dios mes ta atende cu tur murmurador.
Fe ta nifica confia den Dios, murmuracion ta nifica un curason cu tin symptoma di ingratitut.
Den Exodus 16:8 Moises ta bisa e pueblo : Boso murmuracion no ta contra nos ma contra Dios, pa nan por corda cu tur locual nan a ricibi ta for di man di Dios.
Nos mester sinja nos yuinan pa no murmura, den un cas caminda hende ta murmura, no tin pas, pasobra murmuracion ta kita pas di hende.
Murmuracion semper ta trece caida di hende, .
Sinceramente, Pastor Marcel Balootje
