For di 1 di april, dos periodo di solicitud pa e Subsidieregeling voor Maatschappelijke initiatieven trans-Atlantisch slavernijverleden voor het Caribisch deel van het Koninkrijk ta habri. Fundacionnan y asociacionnan por entrega un solicitud di subsidio den categoria 3 y 4 te cu dia 1 di juni proximo 5:00 PM (17:00 ora CET) pa iniciativa social di tamaño mediano of grandi.
Bou di categoria 3 y 4 ta cay: varios proyecto relaciona cu e pasado di sclavitud, organisacion di encuentro of evento cu ta contribui na procesamento di pasado di sclavitud, proyecto pa educacion y expresion di arte incluyendo exposicion y presentacion. E proyectonan mester beneficia e (comunidad di) descendiente di e personanan cu tabata sclavisa y mester tin un impacto (duradero).
Suma di subsidio
E suma di subsidio pa cada solicitud pa categoria 3 ta minimo USD 25.000 y maximo USD 125.000. Pa categoria 4 esaki ta minimo USD 125.000 y maximo USD 500.000. E periodonan di solicitud ta habri te cu 1 di juni 2026 5:00 PM (17:00 ora CET). E siguiente biaha cu e categorianan aki lo habri atrobe ta dia 1 di april y 1 di juni 2027.
Tocante areglo di subsidio
Areglo di subsidio ta un di e accionnan como consecuencia di e disculpanan pa e pasado di sclavitud Hulandes cu e minister-presidente a ofrece dia 19 di december 2022. Pa e areglo di subsidio tin un presupuesto di mas di €29.3 miyon disponibel pa parti Caribense di Reino. En total tin ocho (8) buelta di solicitud pa cuater (4) diferente subsidio, parti over di tres (3) aña.
Mas informacion
Pa parti Caribense di Reino tin un website special, Legacy to Future Funds, caminda tin informacion tocante areglo di subsidio y un link pa e website di Uitvoering van Beleid (UVB) di Ministerio di Asunto Social y Empleo cu ta ehecuta e areglo. Un solicitud di subsidio por entrega via e portal di solicitud cu a crea. Informacion tocante areglo y tocante proceso di registracion den e portal di solicitud ta disponibel riba e website den Papiamento, Papiamentu, Ingles y Hulandes.
Tambe bo por chat directamente cu e helpdesk si bo tin pregunta: esaki ta alcansabel mandando un mensahe na +5999 563 1863. Nan por yuda bo mas aleu na Papiamentu, Ingles y Hulandes.
