MADRID – E Director General di Organisacion Mundial di Salud (OMS), Tedros Adhanom, a informa e diamars aki cu e cantidad di casonan positivo relaciona cu e brote di hantavirus na bordo di e crucero MV Hondius a suba na diesun persona.
Durante un conferencia di prensa ofreci na Madrid, Adhanom a duna un relato di e situacion actual, hincando enfoke riba e medidanan di seguridad cu a wordo tuma pa controla e virus. Segun e alto funcionario, tur e personanan cu ta wordo considera “sospechoso” y esnan cu ya a wordo confirma cu e maleza, a wordo poni den isolacion total.
Control estricto y vigilancia
OMS a sigura cu e pashero- y tripulantenan afecta ta bou di un supervision medico “estricto” pa asina minimisa e riesgo di cualkier transmision posterior. E meta principal di e isolacion aki ta pa evita cu e virus ta plama mas leu cu e barco mes.
Tranquilidad pa e comunidad internacional
Apesar di e aumento den e cifra di contagio riba e crucero, e lider di OMS a manda un mensahe di trankilidad pa e poblacion mundial. El a subraya cu, segun e analisisnan cientifico di e momento aki, e riesgo pa e salud global debi na e brote aki “ta keda abou”.
¿Kico ta Hantavirus? E hantavirus ta un enfermedad viral cu generalmente ta wordo transmiti pa ratonnan den e aire of via contacto directo. Maske e por ta serio, e no ta plama facilmente di persona pa persona manera otro virusnan respiratorio, locual ta yuda mantene e nivel di alerta global controla.
